O alcalde de Xove, Demetrio Salgueiro, e o aparellador municipal veñen de inspeccionar o final da obra no acceso á igrexa parroquial de Vilachá.
Esta obra tivo por obxecto a adecuación e acondicionamento do acceso ao entorno da Igrexa de Vilachá, na Parroquia de Portocelo, así como a restitución dos muros de mampostería existente, desmontados pola ampliación do vial.
Con esta intervención perseguíase mellorar o acceso dos veciños á Igrexa e ao seu entorno, o cal se conseguiu plenamente, xa que o novo acceso permite o paso de 2 vehículos simultaneamente, o que non ocorría antes. Ademais, para mellorar e garantir a seguridade das persoas que accedan a esa área, dentro do vial creouse un espazo peonil diferenciado. Tamén son neste caso importantes os beneficios estéticos, dado que esta intervención realizouse no entorno da Igrexa de Vilachá; neste sentido, os traballos realizados manteñen o máximo respecto polo seu entorno, adecuándose e integrándose perfectamente co xa existente.
Esta importante obra incluíu as seguintes actuacións:
-A primeira parte deste proxecto, que incluíu varias fases, foi a ampliación do vial de acceso, desescombrando a área de intervención; con esta intervención practicamente se duplicou o ancho do vial; aquí destacamos a aportación dos veciños, os cales desinteresadamente cederon os terreos cos cales se realizou a ampliación da calzada.
-Unha vez ampliada, procedeuse á construción dun muro de mampostería a ambos lados e ao longo de todo o vial de entrada, ata o entorno da Igrexa; partíase da existencia duns muros previos, os cales estaban en moi mal estado. Ao ampliarse o ancho do vial, os muros houbo que refacelos na súa nova ubicación.
-Rematados os muros, procedeuse ao nivelado da calzada, canalización para alumeado, instalación de reixas nos sumidoiros, colocación de arquetas de conexión, etc., para rematar esta fase cun rego de aglomerado de toda a calzada. Neste sentido, e xa falamos antes dela, dentro da intervención realizada, aproveitouse para marcar unha beirarrúa dentro do vial para facilitar o acceso peonil.
-Esta obra rematouse coa instalación dun novo alumeado público, con novas e modernas lámpadas.
O investimento nesta obra foi de 73.149 euros, aos que hai que engadir o custo do aglomerado, o cal formou parte dun proxecto de aglomerados de varios viais do Concello.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
