Burela, 20 de setembro de 2013. O alcalde de Burela, José María González Barcia, presidiu este venres o acto de sinatura da acta de recepción, por parte do concello burelés, das obras de urbanización da unidade de actuación de Torrentes, acto breve e moi sinxelo que tivo lugar na Sala de Xuntas da Casa do Concello. A acta de recepción foi asinada polo representante da empresa construtora, a dirección de obra e o técnico municipal de obras que actuou como representante da institución municipal.
González Barcia cualificou o día como “moi importante e sinalado para Burela e para os propietarios de solares en Torrentes, xa que Burela pasa a dispoñer de case que cen mil metros cadrados debidamente urbanizados, con todos os servizos, e que ven de converter en solares o que antes eran terreos de labranza”.
O alcalde burelés volveu a insistir na súa teoría de pechar círculos: “hai uns días adiantei que esta alcaldía e este equipo de goberno comezaban a pechar círculos; pois ben, con Torrentes pasa exactamente iso, vamos pechando o círculo que comezou a debuxarse en 2005, e que xa ía sendo hora de que se fose pechando, polos intereses dos propietarios e polo interese de Burela”.
José Mª González Barcia lembrou que “a unidade de actuación xa figuraba nas normas subsidiarias de Cervo de 1988. En 2005 presentouse no Concello o proxecto de reparcelación, e tal e como era a nosa obriga legal tramitámolo, iniciando o procedemento coa aprobación provisional, seguida da preceptiva exposición pública, presentación e resolución de alegacións e aprobación definitiva”.
O alcalde engadiu que “2006 foi o ano no que se redactou o proxecto de urbanización, cumprindo os trámites legais preceptivos e procedendo á poxa pública das fincas destinadas obrigatoria e legalmente a sufragar os gastos de urbanización”. As obras, lembrou Barcia, “foron adxudicadas na miña etapa anterior como alcalde un mes antes das eleccións de maio de 2007, e tiñan un prazo de execución dun ano, co que tiñan que estar rematadas no verán de 2008, como moi tarde”.
Pero o alcalde burelés volveuse a topar con Torrentes na súa etapa actual: “chegamos de novo ó Concello e as obras estaban sen rematar, non se fixera nada de nada no rexistro da propiedade e estaba todo absolutamente parado. Non se pode crer que unha obra que tiña que estar rematada a mediados de 2008, estivese sen rematar a mediados de 2011, nada menos que con tres anos de retraso. Tivemos que retomar todo o procedemento, enfrontarnos a novos problemas, pero por fin fomos capaces de rematar as obras, entregarlles as separatas acreditativas da correspondente propiedade das fincas resultantes ós propietarios, e comezar a pechar o procedemento”.
González Barcia manifestou que “hoxe o Concello, e todo Burela, recibe unha urbanización que conta con rúas amplas, que vai permitir xerar unha nova zona de expansión da Burela actual. Salvando as distancias, Torrentes é o segundo ensanche de Burela, as segundas ‘Calles Novas’, como moitos denominamos ó ensanche iniciado a finais dos anos sesenta do século pasado”.
Para o rexedor burelés, “Torrentes vai permitir, entre outras cousas, a distribución do tráfico entre o centro urbano e a zona sanitario educativa de xeito máis equitativo, porque haberá máis rúas que intercomunicarán ambas zonas, o centro e a zona do hospital e zona educativa próxima”.
A unidade de actuación de Torrentes ten un ámbito de actuación de 90.000 m2, conta cunha zona verde nas inmediacións do parque do Campón, e dispón dunha rúa central de vinte metros de ancho, doce de calzada, seis de beirarrúas e dous de mediana. Hai varias rúas de doce metros de ancho, con oito de calzada e catro de beirarrúas. As dúas rúas de dez metros, situadas rodeando a zona verde, teñen seis de calzada e catro de beirraúas. As rúas de oito metros teñen catro de calzada e catro de beirarrúas. O presuposto de contrata foi de 1.950.000 euros.
Por último, José Mª González Barcia non ocultou a súa satisfacción: “isto xa tiña que estar listo hai tres ou catro anos, pero non deixa de ser unha satisfacción persoal pechar un círculo que axudaches a abrir. Facemos un exercicio de responsabilidade como goberno, que outros non souberon, non quixeron, ou non foron capaces de facer”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
