Lourenzá, 26 de setembro de 2013. O campo de adestramento de Santa Cruz será acondicionado polo Concello de Lourenzá coa axuda da Xunta de Galicia a través dun convenio que foi aprobado hoxe pola comisión de goberno municipal. A alcaldesa, Emma Álvarez Chao, lamenta a falta de apoio da Deputación de Lugo para esta obra.
O Concello asinará o convenio coa Secretaría Xeral para o Deporte “para cooperar no acondicionamento do campo de adestramento de Santa Cruz. Neste caso a Xunta aporta 10.000 euros e o Concello vai poñer 15.448,63 euros dun préstamo que tíñamos pedido xa dende hai varios anos. É unha mágoa que neste caso non tivéramos o apoio da Deputación de Lugo, xa que o noso veciño Antonio Veiga, o vicepresidente primeiro da Deputación, que leva a Área de Deporte, nin tan sequera tivo a ben recibirme para escoitar as propostas que lle tíñamos que facer. Nós, dende o Concello de Lourenzá, o que queremos é o mesmo trato que se lle dá a outros concellos. E sobre todo cando vemos na prensa noticias como a de hoxe, porque se lle dá a un concello limítrofe 180.000 euros para fixar poboación. Paréceme que é discriminatorio e que se están a distribuír os cartos de todos os lucenses de forma sectaria, atendendo a cores políticas”, manifestou a rexedora municipal.
Emma Álvarez explicou ademais que “tamén aprobamos asinar un convenio coa Axencia Galega de Infraestruturas para mellorar as beirarrúas dos accesos ao Ceip Juan Rey por importe de 5.895,74 euros. Iso vai engadido a un convenio anterior que tiñamos asinado xa para arranxar a avenida de Soutelo, que pasaba dos 60.000 euros”.
E para rematar a alcaldesa anunciou que a comisión de goberno acordou hoxe que “como ven sendo habitual, o Concello de Lourenzá vai ter como festivos locais no ano 2014 o martes de Carnaval, que coincide o 4 de marzo, e o luns do Conde Santo, que é o día 1 de setembro”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
