Lugo, 28 de setembro de 2013.- Os deputados mariñáns do Grupo Parlamentario Popular, José Manuel Balseiro e Vidal Martínez-Sierra, animaron aos universitarios da comarca a solicitar as novas axudas complementarias que a Xunta vén de poñer en marcha para apoiar aos estudantes de ensinanzas superiores durante o curso 2013-2014
A través desta convocatoria -publicada onte no Diario Oficial de Galicia- o alumnado solicitante poderá ter acceso a unha axuda para dispoñer de matrícula gratuíta, así como tamén a apoios económicos complementarios ás axudas que o Ministerio de Educación tamén outorga para cursar este tipo de ensinanzas. Ambas bolsas son totalmente compatibles.
Segundo destacan os parlamentarios popular o Goberno galego reafirma así a súa aposta pola igualdade de oportunidades no acceso aos estudos superiores, incluído para todos aqueles que dispoñen dunha nota media de entre 5 e 5,5, isto é, tamén outorga a exención do pago de matrícula a todos aqueles alumnos que se viron afectados polo endurecemento dos requisitos académicos no Real Decreto da convocatoria estatal de bolsas.
Balseiro e Martínez-Sierra tamén explicaron que nos vindeiros días a Consellería de Educación publicará tamén a nova liña de axudas para realizar estudos de máster. Esta acción vai dirixida ás persoas en situación de desemprego, co fin de facilitar a súa reincorporación ao mercado laboral mediante unha formación especializada, orientada ao exercicio profesional. Para iso a Consellería subvencionará o custe da matrícula naqueles máster especialmente orientados ao acceso ao mercado de traballo.
Ata o 27 de outubro
Poderán solicitar estas bolsas as persoas que inicien ou cursen ensinanzas universitarias -adaptadas ao Espazo Europeo de Educación Superior- conducentes aos títulos oficiais de Grao ou, tamén, ensinanzas universitarias conducentes aos títulos oficiais de Licenciado, Enxeñeiro, Arquitecto, Diplomado, Mestre, Enxeñeiro Técnico ou Arquitecto Técnico nas universidades galegas.
En ambos os casos o prazo para a presentación de solicitudes estará aberto ata o día 27 de outubro (incluído).
O Goberno galego destina un orzamento de 1 millón de euros para este fin.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
