“Medidas como o repagamento do 10% dos medicamentos de dispensación hospitalaria a persoas enfermas de cancro, hepatite, artrite ou leucemia; as reformas para reducir a capacidade adquisitiva das persoas pensionistas; a eliminación da telea-sistencia domiciliaria; a introdución do repagamento nos comedores escolares; a eliminación da gratuidade dos libros de textos; a suba das matrículas universitarias e o recorte das bolsas; as reformas laborais que eliminan os dereitos dos traballadores e lles reducen o salario… Estas son as medidas que amosan falta de respecto cara as persoas e falta de humanidade”, aseguran os nacionalistas. “E todas elas, son medidas asinadas polo Partido Popular, semana tras semana nos Consellos da Xunta e nos Consellos de Ministros, sen que lles treme o pulso, demostrando que o PP é un partido absolutamente deshumanizado que goberna para os ricos e que para nada pensa nas maiorías sociais máis necesitadas.”
Os nacionalistas mariñáns aseguran que o Partido Popular “demostra con estes feitos que aplica á perfección a ideoloxía máis reaccionaria no político e no social, levándonos a situacións propias de hai 50 anos: desde a conivencia cos crimes do franquismo ata o estado de beneficencia que exemplifican os seus cargos públicos con campañas de recollida de material escolar en Viveiro, tras ter recortado os dereitos no ensino. Esas son as actitudes das xentes do PP que recordan a aqueles señoritos que unha vez ao ano daban esmola aos pobres que, por riba, tiñan que amosarse agradecidos.”
“O cinismo e a hipocrisía do PP coñecémolos ben na Mariña en temas como a sanidade”, sinalan desde o BNG. “Cando o deputado e concelleiro en Cervo, Balseiro; vota no seu concello a favor de manter 4 médicos e o Partido Popular no Parlamento de Galiza – do que é secretario o señor Balseiro- vota en contra. A marea de hipocrisía do PP pasea toda a comarca e chega a Ribadeo, onde cargos do PP se manifestan detrás de pancartas reclamando o mantemento do número de médicos cando ese mesmo día no Parlamento o PP recórtalle un médico a Ribadeo.”
O BNG da Mariña considera que “igualmente cínico e hipócrita é que o Partido Popular que, desde o ano 2011 na Xunta de Galiza se desentendeu do SAF nos concellos de menos de 20.000 habitantes, veña con críticas á Deputación de Lugo, onde o BNG incrementou as partidas ano tras ano para este servizo e que foi a institución que, en colaboración cos concellos mantén a tele-asistencia domiciliaria que o Partido Popular desde o Goberno do Estado retirou.”
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
