Ribadeo, 30 de setembro de 2013. O alcalde, Fernando Suárez, realiza unha valoración moi positiva da feira da horta que este domingo reuniu a centos de persoas en Ribadeo que se decidiron a comprar e a consumir produtos locais.
O rexedor sinalou que “a feira foi organizada pola asociación A Sucadoira en coordinación coa Área de Desenvolvemento Local do Concello ribadense, que dirixe a miña compañeira Ana Martínez, e coordinado tamén con ACISA a través dos diferentes bares e restaurantes que participaron nesta iniciativa. Aquí nas inmediacións do mercado de abastos puideron verse actividades en vivo, obradoiros para os máis pequenos…”.
Suárez Barcia lembrou que “esta iniciativa foi recuperada hai varios anos, este mercado dos domingos que estivera en activo ata os anos sesenta do século XX e que logo durante moito tempo non o houbo. Este mercado volveu e fíxoo para quedarse e o colofón a esta tempada foi esta feira que fixemos onte, onde a xente que alí participaba a parte de comprar os produtos de horta de primeira calidade e os produtos de artesanía que alí se vende, a parte de axudar aos produtores de horta tamén están a facer unha aposta polos produtos con garantía de calidade”. O rexedor engadiu que “tamén están a exercer unha acción de afirmación e de reivindicación de que neste mundo de globalización, onde nos quixeron facer crer que todo o do outro lado do mundo era necesariamente mellor, agora vemos que iso non é así, e que o noso, o de proximidade, o de aquí, non ten que envexar nada ao de fora. E estas reivindicacións vense nestes mercados e nestas feiras de produtos de horta”.
Limpeza de ríos
O alcalde de Ribadeo tamén aludiu ás xornadas de limpeza voluntaria nos ríos de Ribadeo que organizaron as Concellarías de Medio Ambiente e Mocidade coordinadas coa Deputación Provincial de Lugo: “nesta iniciativa participaron varios voluntarios e voluntarias que se quixeron achegar ata a parroquia de Arante para limpar un primeiro treito de río. A cita foi un éxito, tristemente, porque oxalá non houbera nada que sacar do río, pero sacáronse varias toneladas de botellas, de sacos, de plásticos, en definitiva de cousas que nunca deberon ir parar ao río”.
Fernando Suárez dixo que “agora seguiremos a traballar nesta iniciativa e para o sábado, 5 de outubro, volveremos outra vez e queremos convidar aos que non quixeron ou non puideron estar con nós a pasada fin de semana para que se animen a participar nas sucesivas limpezas. E ao mesmo tempo tamén concretaremos estas limpezas de ríos cos escolares dos colexios da localidade para que tamén os nenos poidan ver e lles serva coma un acicate educativo o que non deben ser os ríos”. O rexedor subliñou que “os ríos deben ser lugares vivos de natureza, de flora e de fauna, e non un cemiterio de latas, de botellas e de rodas e tamén ao mesmo tempo para que os que a depositan se poidan poñer un pouquiño colorados por ver cómo outros cidadáns máis novos, máis rapaces, menos rapaces, contribúen de maneira altruísta e voluntaria a limpar o que outros non evitaron que fose aos ríos”.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
