Un dia de estes tiven que ir a consulta, e van unhas cantas, do neurólogo, si unha especie de loqueiro que despacha na porta primeira do primeiro pasillo da dereita do hospital da bisbarra.
¿Que por que vou o neurólogo, pois e lóxico, ¿vostedes cren que si estivera cordo aguantaría este estrés diario en que vivo?.
Para entreter a espera é debido a que tiña poucas ganas de que o individuo este borracho que sempre está nas esperas médicas me contase a súa vida, dediqueime a ler os carteis e notas que había desperdigados polas paredes. Nun deles, o director, xerente ou como sexa que se chame o que está a cargo do chiringuitocentro, explicaba as súas razóns para non dispensar a pílula do día despois a aquelas pacientes que o solicitaran. O motivo fundamental era de conciencia, despois viña unha longa lista de argumentos gasosos e finalizaba coa nai de todos os desatinos: segundo o iluminado este, había un mercado negro para a que eles non querían alimentar. Para un indixente intelectual semellante, a relación causa-efecto entre a negativa médica a dispensar a pastillita e que a xente se tivese que buscar a vida na rúa non existía. Esixir un razoamento tal a un cristofreak debe vir a ser como pedilo a Acebes ou Maior Orella que leven a cabo un experimento encamiñado a lograr a fusión fría dun par de isótopos de hidróxeno, supoño.
Sumo a isto a noticia que neste hospital ao parecer non se fixo case ningún aborto, pois os señores traballadores competentes na materia declaráronse obxectores de conciencia, algún destes profesionais, é un dicir, seica é do OPUS, e vota cada sermón moral aos clientes que máis lle valía presentarse para pregoeiro oficial da Semana Santa de Viveiro.
Ao igual que emprazo os xuíces e xuízas que se negaban e negan a unir en matrimonio a gay e lesbianas a deixar o seu cargo, invito dende este modesto canto a estes señores médicos corroídos polas dúbidas morais a que abandonen o seu posto de traballo e se busquen as lentellas nalgún centro privado. Porque mentres desempeñen o seu labor nun centro público, mentres cobren un soldo do diñeiro de todos -os que son da súa corda moral e os que non-, as súas coitas éticas persoais poden introducírllelas unha a unha polo alí….. Dedíquense a cumprir co que está lexislado ou vaianse onde as súas idioteces non lle arruínen a existencia a ningunha nena ou non tanto. E é que vostedes ese día durmirán tranquilos, pero asegúrolles que elas non.
Excursión ao hospital da bisbarra
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
