É evidente a loita do PP contra a Lingua Galega como sinal de identidade do noso Pobo. O seu obxectivo está claro, así como quen manda no PP. Os do “birrete” substituíron aos da “boina”. É o mesmo que dicir que o Sr. Aznar é quen manda no PP e que son as súas FAES quen impoñen a liña ideolóxica ou as mentiras do PP. A extrema dereita instalada na súa mesma dirección, movendo os fíos que manexan a Rajoy e a o seu homónimo en Galiza, sr Feijoo. A rotura coa burguesía galega é total e en base a imposición dun férreo centralismo e a eliminación de todas as sinais de identidade dos pobos do estado. É un gobernar dende arriba, baseada no control e na imposición de liñas políticas e económicas que favorecen as multinacionais e ao gran capital, introducindo un liberalismo feroz que pretende a eliminación do sistema produtivo público e a pequena e mediana empresa, asignando a cada zona un finalidade produtiva básica controlada polas multinacionais.
É impresionante como estes “patriotas”, que teñen como símbolo a bandeira española e como estereotipo a defensa de todo o español, tan pronto como teñen poder, venden todo o sistema produtivo do Estado: a enerxía, as comunicacións, as empresas de enclave e permiten entrar a saco, fomentando unha competencia desleal, as multinacionais, facilitando o desmantelamento da agricultura, da gandería e das industrias propias, afastándoas centros de poder do pobo e facéndoo dependente do capital alleo. Só debemos fixarnos a onde foron a parar as privatizacións do Estado, despois de pasar por mans de empresarios adictos ao sistema, foron vendidas a multinacionais con base noutros países. Patriotas apegados a moeda, vendedores de patrias, que baseándose nun liberalismo feroz desmantelan o Estado, sen ningún tipo de escrúpulo. A saber si teñen vendida a bandeira, o seu símbolo. Polos escarceos do sr Aznar con Bush, diría que xa teñen outra. Só temos que esperar algún tempo para que o pobo así enganado, se de conta do que representan estes apátridas.
A Lingua, a Cultura do Pobo, a súa identidade, a loita por unha economía propia, baseada nos recursos do propio Pais, enfróntase de xeito frontal cos seus intereses baseados no lucro, na explotación dos homes e das mulleres e dos seus recursos, dos recursos do pobo. A súa loita contra a propiedade do pobo é salvaxe e descomunal. Falan de liberalización do mercado, da liberdade de elección, de inconstitucionalidade, utilizando premisas falsas (mentindo) e volvendo contra os intereses do mercado, dos cidadáns, da Constitución, da liberdade do Pobo e da propia liberdade das persoas, as propias leis e as institucións cidadáns. O seu poder miserábel distorsiona a realidade a través dos medios de comunicación que controlan e utilizan de xeito inmoral e contra todo tipo de ética, só coa intención de controlar o poder.
Niso andamos. Non podemos permitilo. Utilizar a Lingua e a Cultura Galega para ocultar as súas inconfesas intencións non debemos permitilo. A Lingua e a Cultura son de todos, de todo o noso Pobo: Son o noso vínculo de conexión, de comunicación, de entendemento, a nosa propia identidade, o cantar do carro, o ruxir das fervenzas, os nomes das cousas, da natureza, dos nosos sentimentos, do amor que sentimos, dos ollos que nos miran, das palabras que nos din, … Por iso queren destruílas. Non podemos permitilo!
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
