Madrid, 3 Outubro 2013. O Secretario Xeral de Infraestruturas e Presidente de SEITTSA compareceu a solicitude da deputada do BNG, Rosana Pérez para informar das partidas dos Orzamentos 2014 para Galiza.
A deputada do BNG dividiu a súa intervención en dous blocos, un adicado ás estradas e o outro ao ferrocarril. Na parte adicada ao Eixo Atlántico e ao ferrocarril salientou o esquecemento de Ferrol: “O Eixo Atlántico até Ferrol non está nas prioridades de Fomento” e tampouco a modernización da conexión Ferrol-A Coruña, “con trens do século pasado”.
Estradas: A-54, A-8, AC-14, A-52, A-57 e AP-9
No relativo ás infraestruturas viarias pendentes, formulou una serie de cuestións ao Secretario Xeral de infraestruturas e Presidente de SEITTSA. Comezou Rosana Pérez pola A-54, a autovía Santiago-Lugo, trasladando ao cargo de Fomento as informacións de empresas construtoras á Deputación de Lugo por unha orde de Fomento para que non se retomen as obras até 2015, “precisamente a data prevista de finalización”. En relación a esta cuestión, o Secretario Xeral non concretou prazos nin aclarou se as obras estaban paralizadas.
A A-8 foi outra das infraestruturas viarias reseñada por Rosana Pérez. “Hai un importante retraso na execución destas obras que impedirá que se rematen en prazo”, e preguntou a Manuel Niño González se existe unha partida destinada a arranxar os problemas provocados polas inundacións en Mondoñedo. “Debido ás obras e á choiva, producíronse importantes inundacións en Mondoñedo. Non vemos ningunha partida concreta para arranxar ese problema , por iso lle pedimos que nos aclare se existe un orzamento para isto”.
Nesta cuestión, o alto cargo de Fomento admitiu que non existe nos Orzamentos unha partida concreta para o tema de Mondoñedo e a A-8. “Non ten reflexo directo nos Orzamentos, financiarase a través do orzamento de conservación”.
Sobre a Terceira Ronda de A Coruña, a deputada do BNG puxo de manifesto que se contemplan anualidades até o 2016 “cando o prazo de finalización está marcado para o 2015. Cando se vai rematar en realidade?”. De igual xeito, pediu precisión e prazos de execución para a A-52 Vigo-Porriño e para a A-57.
Da A-52 confirmou o Secretario Xeral o seu retraso, está aínda en estudo. Da A-57 afirmou que a prioridade é a circunvalación Pontevedra.
Outra das mencións da deputada do BNG foi a AP-9, en concreto, aludiu á necesidade de mellorar o firme e adicar recursos económicos ao seu mantemento porque “teñen que facer algo máis coas autoestradas que subir peaxes. Deben solucionar os problemas de colapso que se producen á entrada e saída de Santiago”.
O Eixo até Ferrol abandonado
En canto aos ferrocarrís, a deputada nacionalista afirmou que “non só de AVE viven as infraestruturas de Galiza”. Recalcou o abandono do Eixo Atlántico até Ferrol. “Cada vez está máis claro que non está entre as súas prioridades que o Eixo Atlántico chegue até Ferrol porque a partida destinada de 15.000 euros é ridícula. Por iso sería bón que aclarara se van estender o Eixo até Ferrol ou non?”.
Nesta cuestión, o representante de Fomento sinalou que o Eixo Atlántico é até Ferrol e a fronteira portuguesa. Evidenciou a enorme demora da conexión do Eixo Ferrol-A Coruña porque “licitamos o estudo informativo pero non fomos quen de aprobalo”.
Rosana Pérez tamén mencionou o Eixo Atlántico Vigo-fronteira portuguesa, cunha partida de case 400.000 euros e sen anualidades, “que van executar con esa partida?”.
Outra das cuestións motivo de interese de Rosana Pérez foron as conexións ferroviarias cos Portos Exteriores de Ferrol e A Coruña. “Con cativas partidas, e un tremendo retraso na súa execución”. En canto ao orzamento destinado á supresión de pasos a nivel, a deputada do BNG preguntou ao representante de Fomento cantos pasos a nivel se van suprimir na Galiza? E lembrou que en menos dun mes se contabilizaron dúas mortes.
O Secretario Xeral falou da supresión de pasos a nivel na Pobra de San Xiao, en Guitiriz e no resto de Galiza pero non concretou.
A deputada do BNG foi moi crítica coa falla de investimentos para a modernización da liña ferroviaria convencional, sobre todo co tramo Ferrol-A Coruña, co nulo avanzo do plan de cercanías.
No que atinxe ás cercanías, o Secretario Xeral demostrou que a situación de parálise nese eido sigue igual: continúanse cos estudos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
