O Burela FS Pescados Rubén conta as horas para o gran derbi. Hoxe pola mañá, o equipo de Juanlu deu por concluída a preparación para gozar da primeira festa do fútbol sala galego que vivirá esta tempada na máxima categoría. O Azkar Lugo FS saltará á pista cos mariñáns mañá, ás 21.00 horas (Municipal de Deportes).
As forzas estarán moi igualadas nunha cita repleta de emoción, ganas e ilusión. “Será un partido con alicientes especiais; os derbis sempre dispoñen dun compoñente emocional que constitúe un plus de motivación para todos, afeccionados e equipos” explicaba o adestrador burelista, Juanlu, mostrando a súa satisfacción pola evolución paulatina do cadro e confiando en que os resultados acompañen paseniño: “Estabamos preparados para un inicio difícil, pero somos conscientes de que vimos de facer un bo partido con ElPozo na última xornada. Esa boa imaxe dános confianza para seguir traballando” analizaba o madrileño.
O Burela FS chegará á cidade amurallada con 1 vitoria (Peñíscola 1-3) e 2 derrotas (Xota 1-2 e ElPozo 0-4), custodiando 3 puntos, 2 máis que o Azkar, que tan só puido puntuar con empate a semana pasada tamén ante Peñíscola (2-2). Precisamente á importancia de alcanzar a vitoria para calquera das dúas escuadras referiuse Juanlu. “As nosas expectativas céntranse en colocarnos na zona media-alta da táboa e conseguir outros tres puntos daríanos moita vida. Con todo, tamén é certo que Azkar comezou cun calendario moi complicado, leva tan só un punto, e necesítaos” explicou o técnico laranxa.
Transportistas e bureleses chegan en dous momentos moi diferentes como equipos, segundo advirte Juanlu. “O Azkar é un equipo máis traballado, cun proxecto de continuidade, mentres que nós necesitamos un pouquiño máis para dar o mellor de nós; quédanos traballo para poder encaixar as pezas e ofrecer a nosa mellor versión” matizaba o adestrador, identificando a defensa como a mellor virtude do gran rival desta xornada: “A forza do Azkar é a súa defensa; é intenso, ben organizado, concede moi pouco e comete poucos erros. Para nós é fundamental a posesión da pelota, que o balón circule e que non o cortocircuite o rival, que é o que mellor sabe facer” adiantaba o burelista.
Juanlu poderá dispoñer do cadro ao completo en perfecto estado. Configurarán a expedición, que partirá mañá sobre as 18.00 horas, Edu, Mimi, David ‘Burrito’, Iago Míguez, Isi, Juanma, Hugo, Matamoros, Christian, Álex, Carlitos e Antoñito. Nas filas de Diego Ríos, a única dúbida será Aranburu, con problemas de isquiotibiais, aínda que xa puido adestrar durante esta semana.
A Pataca Naranxa. O desprazamento de máis 150 afeccionados/as burelistas, mobilizados pola peña A Pataca Naranxa, contribuirá a encher as bancadas de cor, aos que se sumará medio cento máis de mariñáns que se trasladarán ata o Municipal de Lugo en vehículos particulares. O Burela FS Pescados Rubén non estará só. Máis de 200 almas brindaranlle apoio nunha gran festa do fútbol sala, na tentativa de alcanzar a segunda vitoria da tempada.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
