Lourenzá, 7 de outubro de 2013. A alcaldesa de Lourenzá, Emma Álvarez Chao, fixo este luns balance da 23ª edición da Festa da Faba e afirmou que se cumpriu o obxectivo de promover este produto e o concello. Destacou que nas degustacións vendéronse 1.160 racións e nos mercados comercializáronse máis de 6.000 quilos de fabas.
“Despois de tres xornadas festivas e de distintos actos no concello de Lourenzá o resultado obtido deu por cumprido o obxectivo que pretendíamos, un ano máis, con esta 23ª edición da Festa da Faba, que é promover a faba e, xa de paso, o noso concello. Digo isto por varios motivos, non soamente pola afluencia de público, xa que foron moitos os foráneos que se pasaron polo noso concello, xente de distintos sitios, como Asturias, Coruña e sobre todo da nosa comarca”, manifestou a rexedora, quen destacou que nas degustacións “vendéronse 1.160 racións de fabas, das 1.200 que había. Concretamente onte, domingo, vendéronse 860 racións: 200 da fabada tradicional, que se esgotaron; 389 de fabas con ameixas e 271 de potaxe de faba de Lourenzá a antiga usanza”.
Emma Álvarez salientou ademais que o festexo foi “un éxito rotundo tamén para os fabeiros, que 3 deles esgotaron as súas existencias; por exemplo a caseta de faba ecolóxica vendeu 180 quilos en total, de fresca e de galaica. Nas restantes vendéronse máis de 3.000 quilos de fabas: 45 da Indicación Xeográfica Protexida (IXP); 960 da faba galaica seca; 1.380 da faba fresca, da que cada ano vaise incrementando o número de quilos posto que cada vez é máis demandada pola restauración e tamén polas amas de casa; 420 de verdina e 250 quilos entre fabas do caldo, pintas e outras variedades. Tamén o mercado do domingo pola mañá foi un éxito de afluencia de produtores, pois houbo concretamente 127 e os compradores foron 6. O prezo roldou unha media de 6 euros por quilo e vendéronse 2.790. Foi un éxito rotundo tamén para os locais de hostalería, que estiveron abarrotados de xente tanto o venres á noite como o sábado durante todo o día e o domingo pola mañá para degustar as 20 tapas diferentes que se puxeron de balde coas consumicións”.
A alcaldesa rematou con agradecementos: “a todo o persoal do Concello, posto que traballou toda esta fin de semana sen ningún tipo de recompensa económica nin de días libres, simplemente de xeito voluntario. Sen eles sería imposible poder levar adiante esta festa. Tamén quero agradecerlle a Iago Castrillón que viñera a pregoar esta festa, xa que é un verdadeiro embaixador da Faba de Lourenzá alí por onde el pasa. E á conselleira de Traballo e Benestar, Beatriz Mato, que animou aos produtores de Faba de Lourenzá a que sigan a vía da unión e da cooperación e que aproveiten esta ocasión que lles brinda ese departamento da Xunta, a través da Asociación Galega de Cooperativas, para crear unha cooperativa comercializadora de faba. Desta maneira a Faba de Lourenzá terá a recompensa que se merece no mercado cun prezo constante”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
