O Club Deportivo Básico “Marqués de Casariego” de Tapia organiza dúas actividades para esta fin de semana. Por unha banda, a sección de micoloxía realizará o sábado unha saída ao monte na procura de setas partindo da cancha do instituto de Tapia ás 09:00 horas. Os cogomelos recollidos empregaranse na degustación que se celebrará o venres 1 de novembro. O prezo de inscrición é de 12 euros, 5 euros para os socios e 3 para os socios colaboradores. E, por outra banda, o domingo 20 do mesmo mes o grupo de montaña participará no Encontro Sendeirista Astur-Galaico en Valdés. A saída para realizar esta ruta circular de 18 quilómetros de distancia e dificultade moderada realizarase ás 09:00 horas dende Tapia. Os prezos de inscrición son os mesmos que para a recollida de setas. Os interesados poden informarse e inscribirse antes do xoves 17 de outubro nos teléfonos: 689 175 515 (José Luis), 659 000 707 (Rafa) ou 608 540 828 (Eva).
ÚLTIMA HORA
- O Concello de Cervo impulsa unha nova edición de ‘Educando en familia’ con actividades nos CEIPs do municipio
- Esperanza organiza novas actividades de sensibilización coincidindo co Día Mundial contra o Cancro de Mama
- Clausurada a tempada de baño adaptado de ‘Ribadeo Accesible’ tras facilitar o acceso ao mar a centos de persoas
- Salpetro lanza en San Cibrao ‘Aidam e os cristais de Ilsatita’, o primeiro dunha saga xuvenil ilustrada
- Nova xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi. - María José Gómez asiste á ofrenda da Virxe dos Remedios
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo. - Unha saída de vía deixa un home falecido en Castro de Rei
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. - O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar. - A conselleira do Medio Rural destacou en Castro de Rei o peso do sector do ovo en Galicia, con máis de 56 millóns de ducias producidas ao ano, máis de 2 millóns de galiñas poñedoras, 90 explotacións e arredor de 70 centros de embalaxe, todo baixo estándares europeos de benestar e calidade
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei. - O Centro de Formación Ocupacional de Burela acolle un curso de español para persoas estranxeiras
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital