CERVO, 10 DE OUTUBRO. Os socialistas de Cervo, fartos de disculpas e rodeos por parte do goberno, veñen de rexistrar esta mañá no Concello unha solicitude na que piden “unha certificación de que toda a documentación obrante no expediente do Plan de Emprego Xuvenil está custodiada nas dependencias do Rexistro Xeral, segundo consta nun escrito remitido polo Concello de Cervo ó Grupo Municipal Socialista a finais do mes de setembro. Por máis que o intentamos comprobar, a realidade é que non se nos está a facilitar o acceso a toda esa información”.
Os membros do Grupo Socialista aseguran que o convenio regulador de colaboración entre o concello de Cervo e a Fundación Empresa-Universidade Galega (FEUGA) está rexistrado con Nº de entrada 2318 e data 06/06/13, “é precisamente no propio convenio onde podemos ler tódolos requisitos e obrigas do Concello, como o cumplimento das bases que rixen dito convenio, facer constar a identidade dos beneficiarios, as datas de inicio e fin, o plan de formación, designar tutores para cada bolseiro, e un longo etc”.
Despois de ler toda a documentación que está á disposición da oposición, os socialistas pregúntanse “onde están as bases do Plan de Emprego Xuvenil e por qué non se nos facilita a súa consulta, onde está o anexo que recolle quen son os beneficiarios así como a duración da súa beca e o seu plan de formación e por qué non se nos facilita, onde están as designacións dos tutores de cada un dos beneficiarios e por qué non se nos facilitan, cal foi o procedemento de selección dos beneficiarios e por qué non se nos facilita e onde está o informe de intervención indicando que existe partida de crédito orzamentaria para acoller este convenio e por qué non se nos facilita”.
Secretismo incomprensible
Lembran que pasados case dous meses dende que solicitasen esta mesma información e se lles dese a mesma resposta, “seguimos sen entender o secretismo no que se escuda o señor Alfonso Villares ó abordar este asunto. O único que publicou o Concello ó longo de todo este proceso foron os requisitos para ser beneficiario do convenio e fíxoo a través das redes sociais, substitutas das vías de información oficiais. Non nos parece normal a actitude do equipo de goberno ante este tema, estamos no noso dereito, como oposición, a revisar todos e cada un dos pasos de dito proceso. Como representantes dos veciños, cremos que estamos obrigados a aclararlles esta falta de transparencia total e absoluta”.
En definitiva, os socialistas de Cervo subliñan que “están a vulnerar os nosos dereitos na realización das tarefas propias de oposición de forma tendenciosa, intencionada e constante, solicitamos varias veces o expediente e toda a documentación relativa a este proceso e estásenos a denegar continuamente. Agardamos que á terceira vaia a vencida porque estamos dispostos a chegar a onde faga falta para aclarar este asunto”.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
