Dende o PSdG-PSOE de Burela xa detectamos que os malos hábitos históricos do Partido Popular de Burela volvían a aparecer dende o momento en que o equipo de “desgoberno” de Burela tomou posesión dos seus cargos no Concello.
A mentira, a política partidista, o beneficio propio, o enchufismo e as prácticas escuras foron unha práctica habitual nestes algo máis de dous anos de “desgoberno” do Partido Popular de Burela e así o vimos denunciando. Vistos os últimos acontecementos en relación ó reparto de cartos públicos a asociacións e clubs deportivos, non nos queda máis que manifestar que este reparto foi unha mostra máis destas maneiras de facer política, totalmente antidemocrática e cun tufo partidista que fan que unha noticia que debería de ser positiva, si se fixera dunha maneira transparente e cuns criterios obxectivos, pase a ser un motivo de enfrontamento entre asociacións e onde se ve claramente a discriminación que están a sufrir uns colectivos con respecto a outros.
Temos que dicir claramente, e así o recoñece o propio equipo de “desgoberno” de Burela, que as subvencións outorgadas foron a dedo, o criterio seguido foi o que Sr. Alcalde quixo, e vese claramente que os criterios foron de todo, menos obxectivos.
¿Alguén con algo de criterio pode dubidar que o Club Ciclista de Burela non está a facer un enorme traballo no impulso da práctica deportiva en Burela e poida quedarse sen ningún tipo de axuda? ¿Como pode ser que un dos colectivos con máis actividades durante o ano, senón o que máis, como pode ser o Colectivo Buril, que está a facer de substituto da Concellería de Cultura da que non se teñen noticias nin se esperan se poida quedar sen un só euro de subvención?
Está claro que si se mira detidamente o listado de subvencións concedidas temos cousas que chaman a atención. ¿É explicable que se de a unha confraría da Semana Santa 1.500 euros, e a unha asociación como Camiña, que traballa con nenos discapacitados psíquicos, 300 euros? Está claro que o Partido Popular de Burela prioriza as cuestións ideolóxicas, ás cuestións de servizos sociais, e este é un claro exemplo.
Aparte disto a actitude chulesca, macarra e despótica do Sr. Barcia se puxo de manifesto cando expulsou da reunión a un dos Clubs que tiñan interés en participar da xuntanza, actitude que pon de manifesto as formas do personaxe en cuestión. Pon de manifesto ben ás claras as maneiras de facer política do Sr. Barcia.
Está claro que o dedo volveu a funcionar unha vez máis en Burela, e tiña moi claro a que apuntaba. Só recordarlle é Sr Alcalde que os veciños e veciñas de Burela están a falar moito deste asuntos, e non precisamente ben. Este equipo de “desgoberno” partidista, prepotente e sectario ten os días contados no Concello de Burela.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
