Barreiros, 11 de outubro de 2013. O vindeiro xoves, día 17 de outubro, ás dez da noite inaugurarase en Mondoñedo unha exposición con obras do artista barreirense Celso Dourado titulada Represaliados, para lembrar ao Comandante Moreno. O acto contará coa actuación musical de Mini e Mero.
Celso Dourado explicou que “foi un compromiso con Ana, que é a dona do bar Porriño, lugar onde se celebra a exposición. É unha serie que empecei a concibila e facela no 2006 e que fai alusión aos represaliados e este é o título. Componse neste momento por 6 cadros e é un xogo moi interesante curiosamente de pés e de cores”.
O artista lembrou que “no ano 2006 por parte da Asociación para a Recuperación da Memoria Histórica desenterráronse os restos do Comandante Moreno no Alto do Acebo, na Fonsagrada. Realmente eu coñecía algo da historia pero non en profundidade. Impactoume tanto que decidín dedicarlle esta serie dos represaliados precisamente ao Comandante Moreno, que era un anarquista, un comandante da columna do batallón Galicia que foi apresado, vilmente torturado e asasinado preto da Fonsagrada. A xente do lugar compúxolle un romance que se mantivo sempre na mente dos veciños pero que ninguén se atrevía a escribilo. Co tempo Mini e Mero foron quen de poñerlle música a ese romance que xa tiña letra e esa noite, o 17 de outubro, no bar Porriño, en Mondoñedo, vanme acompañar nesta exposición Mini e Mero para cantar o romance ao Comandante Moreno”.
“Eu son coñecido polo pintor das mans e curiosamente estívenlle dando voltas ao maxín ata que me propuxen darlle contido a esta serie xogando con pés, que están atados, aramados, torturados. E os cadros teñen unha serie de indicacións a base de textos e de cores, alusivos a aquel momento da Segunda República española e a parte figurativa é ocupada por pés. É case monográfico, exceptuado un cadro que pon remate á serie. É un xogo de pés e de cores”, engadiu Dourado.
En canto ao acto inaugural o artista comentou: “coido que vai ser un momento moi agradable, xa non quero dicir nin por min nin polos cadros pero si polo concerto que nos van ofrecer de xeito totalmente altruísta Mini e Mero, dos que sobran presentacións porque son uns grandes da música cantada galega, eu gozo da súa amizade e van trasladarse a Mondoñedo para abrir esta exposición. O día 17 é cando se inician as festas das San Lucas e Ana, do bar Porriño, decidiu abrir a exposición ese día. É unha achega persoal ás festividades das San Lucas pero de xeito absolutamente independente e vai estar exposta ata finais de outubro”.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.