O voceiro municipal do BNG no Concello do Valadouro, Eduardo Chao, ven de presentar para o seu debate en Pleno unha moción relativa ao copago dos medicamentos hospitalarios.
Dende a asemblea local do BNG consideran que “a veciñanza do Valadouro non entendería que o seu Concello non se fixese cargo dos custos de algo tan necesario como as menciñas de doenzas crónicas ou severas e no canto financie algo tan supérfluo e anacrónico como comidas de festexo á Garda Civil, tal e como aconteceu o sábado 12 en Ferreira”. Así mesmo tamén considera que “é moi grave que o Goberno estatal dea este puntapé á saúde dos cidadáns, pero aínda é máis grave que a Xunta de Galiza non se opoña a isto e non xestione unha solución para evitar que os galegos se vexan obrigados a abandonar tratamentos farmacolóxicos”.
Polo mesmo, demandan que “o Concello do Valadouro asuma o copago dos medicamentos de dispensación hospitalaria para veciños e veciñas do municipio suxeitos a tratamentos de leucemia, cancro de mama e ril, tumores cerebrais e hepatite C, así como doutras patoloxías afectadas pola aprobación da resolución do Goberno do Estado do 10 de setembro e publicada no BOE do 18-9-2013, pola que se fixa a obrigatoriedade do pago dunha parte do importe por parte dos usuarios para máis de 157 prestacións farmacolóxicas”. Pero tamén solicitan na moción que o Pleno tome o acordo de que “sexan beneficiarios desta medida municipal aquelas persoas que leven máis de 6 meses empadroadas no Concello do Valadouro, a contar dende a entrada en vigor da presente iniciativa municipal, e, en función da renda do enfermo ou enferma, o Concello asuma, ben unha porcentaxe do copago ou o cento por cento do mesmo”.
Os nacionalistas argumentan que “despois da aprobación da resolución do Goberno do Estado do 10 de setembro e publicada no Boletín Oficial do Estado do día 18 do mesmo mes pola que se fixa a obrigatoriedade do pagamento por parte dos usuarios para máis de 157 prestacións farmacolóxicas, dende o BNG consideramos este feito unha grave discriminación, acometida polo Partido Popular cara a persoas vulnerábeis, obrigando a moitos pacientes a abandonar os seus tratamentos farmacolóxicos por falta de recursos económicos, xa que estamos a falar de tratamentos especiais e intensivos, o cal fai moi difícil que unha persoa cuns ingresos comúns poida afrontar o seu custo”.
Asemade consideran que “dende o Concello do Valadouro non debemos permitir que a tendencia privatizadora do Partido Popular afecte á saúde dos nosos veciños e veciñas, e é preciso atender especialmente as necesidades de persoas que estean a sufrir, por exemplo, cancro de mama, de ril, tumores cerebrais, leucemia crónica, artrite reumatoide, dexeneración macular ou hepatite C crónica, ou dependentes das 157 prestacións farmacolóxicas de algo máis de 50 medicamentos prescritos para casos de enfermidades consideradas graves ou crónicas e limitados a pacientes ambulatorios das farmacias hospitalarias”.
Finalmente, recordan que “cómpre ter sempre en conta –e máis nestes tempos- que a sanidade pública non é un luxo senón unha conquista social que debemos protexer como alicerce básico dunha sociedade avanzada e democrática”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
