Ribadeo, 16 de outubro de 2013. O alcalde, Fernando Suárez, cualifica de intolerables os continuos cortes no subministro eléctrico que está a sufrir o concello. Esta mañá houbo producíronse varios. O rexedor entende “o cabreo e a decepción de veciños e empresarios” e pídelle á Consellería de Industria que “interveña de maneira inmediata”.
O rexedor sinalou que “é triste que teñamos que volver a un tema recorrente, que xa forma parte do noso patrimonio en Ribadeo, que son os cortes de luz que a compañía subministradora cada vez que hai algo de vento, cada vez que un gorrión se pousa nun poste ou cada vez que un cable toca con outro vaise a luz ou en todo Ribadeo ou nunha parte de Ribadeo, e ás veces, tal e como ocorreu esta mañá, en varias ocasións”.
Para Fernando Suárez “isto xa é o colmo e comparto o cabreo e a decepción que teñen tanto empresarios, coma veciños e usuarios do servizo que somos todos, porque a finais de mes todos pagamos as facturas da luz sen rechistar, pero temos unha calidade do servizo que é intolerable para Ribadeo. Estando no século XXI como estamos temos un subministro propio do século XIX”.
O alcalde ribadense considera que “a estas alturas xa non valen máis escusas, os veciños que a finais de mes pagan as súas facturas da luz teñen que recibir unha explicación contundente e teñen que ter unha garantía de que isto non se volverá producir. Begasa ten que actuar dunha maneira decidida, dunha vez por todas, e a Xunta de Galicia, a través da Consellería de Industria, ten que intervir de maneira inmediata”. Fernando Suárez indicou que “primeiramente ten que abrirlle un expediente á compañía subministradora de enerxía eléctrica porque isto é intolerable. O que pasa en Ribadeo non pasa noutros concellos da Mariña nin noutras partes do país e aquí cun sector comercial tan importante, que sempre se están a queixar e con razón, porque isto é intolerable o que nos pasa sexa verán ou inverno, chove ou faga vento, pero isto non pode ser”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
