Cervo, 26 de outubro de 2013. A Xunta de Galicia concedeu ao concello de Cervo unha subvención de 3.500 euros para a festa da Maruxaina, ao amparo da orde de axudas para festas de interese turístico galego. Así llo comunicou a delegada territorial, Raquel Arias, ao alcalde de Cervo, Alfonso villares, nunha xuntanza na que abordaron diversos temas de interese para o municipio.
En conxunto, o concello de Cervo recibe 10.500 euros de axuda da Xunta para o apoio, promoción e difusión das tres festas declaradas de interese turístico que organiza, a Maruxaina, a Festa do Ourizo e a Queimada Popular.
Arias explicou que estas axudas concédense en réxime de concorrencia non competitiva, polo que benefician sen distinción a todos os concellos que celebran festas declaradas de interese turístico galego.
Ao respecto, lamentou unha vez máis que o PSdeG teña aproveitado a festa da Maruxaina para facer política “errando unha e outra vez pero sen desfalecer no intento, porque aínda hai uns días que volvían a negar a evidencia de que a subvención está concedida”.
A delegada territorial trasladou tamén ao alcalde que a Xunta sufragará a incorporación de dous traballadores máis ao concello a través da ampliación dos programas de cooperación. En concreto, a Consellería de Traballo e Benestar destinará 12.171 euros á contratación de dúas persoas desempregadas para desempeñar labores de recuperación medioambiental por un período de seis meses.
Deste xeito, no conxunto do ano a Xunta de Galicia destinou ao concello de Cervo 51.600 euros para a contratación de traballadores desempregados, dado que a estas incorporacións hai que sumar o persoal de socorrismo, limpeza de praias e rehabilitación de espazos públicos contratado hai uns meses por distintos períodos de tempo, atendendo á natureza das súas funcións.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
