Lugo 29 de outubro de 2013.- A portavoz do Partido Popular na Deputación de Lugo, Elena Candia, denunciou este martes durante o transcurso da sesión plenaria que o Plan de Obras e Servizos que presentou o ente provincial é “famélico”, responde a “calderilla” e convértese no peor de todo Galicia.
Este feito levou aos populares a absterse ante un plan que pon aos concellos de Lugo en absoluta situación de “inferioridade” respecto aos habitantes do resto de Galicia.
A popular explicou que o artigo 36 da lei 7/1975 recolle a obrigatoriedade de que as deputacións aproben anualmente un plan provincial, pese ao descoñecemento que amosou o responsable de vías e obras, Manuel Martínez, neste senso. Porén, a administración lucense cumpre “pola mínima e cumpre tarde”, ata o punto de practicar a austeridade só “onde goberna o PP” ; concellos aos que non dá “nin pan, nin auga, nin sal”.
Candia reafirmou as súas declaracións con datos e expuxo que mentres na Coruña os municipios reciben de media 250.000 euros; en Pontevedra, 101.000 euros; e en Ourense, 30.000 euros; en Lugo esta achega redúcese a 14.900 euros.
Do mesmo xeito, mentres un concello da Coruña, recibe 220.000 euros; un de Lugo con características semellantes en poboación e extensión ten que conformase cunha achega da Deputación de Lugo de tan só 14.500 euros
O BNG e o PSOE esquecen a Lugo
Os populares votaron en contra dunha moción do PSOE que sen “fundamento” critica os orzamentos da Xunta de Galicia en Lugo para o ano 2013. Así, os populares pediron rigor tralas “mentiras” detectadas na iniciativa, como a relativa a sala de hemodinámica sobre a que os populares lembran que “a súa instalación xa está en marcha, coas máquinas no Hula e coa previsión de recibir pacientes xa a finais de novembro”.
Neste mesmo senso, os populares aseguraron que o bipartito non pode dar leccións en materia social tendo en conta que é a única Deputación que se está a negar a colaborar cos concellos no financiamento do Servizo de Axuda no Fogar ou na posta en marcha de novos plans de emprego.
Candia insistiu en que as contas autonómicas do bipartito non resisten a comparación coas actuais, xa que o investimento previsto polo actual Goberno galego na provincia case duplica o que recollían os últimos orzamentos da Xunta do bipartito.
Os 374 euros por lucense previsto na Xunta bipartita en 2009, son a metade dos 728 euros por lucense que o actual goberno prevé investir na provincia. Un esforzo inversor moito maior dos populares pese a que en 2009 o orzamento total da Xunta era de 10.581M€ mentres que agora é de 8.391M€
O PP intenta aunar
O Grupo Provincial do PP puxo de manifesto que o seu partido opta pola liña de “aunar esforzos” ante situacións que “preocupan aos concellos, sendo a administración máis próxima aos cidadáns”.
Así, en liña coas alegacións aprobadas por unanimidade e presentadas pola Fegamp; o GPP votou a facer de pedir un novo modelo de financiamento local. “Apoiaremos as propostas construtivas que sirvan para defender os intereses de Galicia e dos municipios”; explicaron dende o PP.
Porén, neste mesmo senso os populares lembraron a “incoherencia” do presidente provincial e do BNG que piden unha reforma no financiamento local cando recortan nun 17,07% as transferencias de capital aos concellos.
“Esta é a actitude do PSOE e do BNG” que se rexe “por intereses partidistas”, fronte aos gobernos locais do PP que amosan “rigorosidade” á hora de defender o ben dos veciños.
Neste senso, os populares agradeceron o traballo levado a cabo polo concello de Friol, e en concreto, polo seu alcalde, “na defensa dos intereses dos veciños e das asociacións representadas” en relación a “delimitación do trazado do Camiño Norte”.
A actitude “demagóxica” do PSOE
O deputado provincial, Fernando Pensado, evidenciou durante a sesión plenaria que o PSOE e o BNG están a facer demagoxia co copago farmaceutico, desinformando á cidadanía para “xerar alarma social e obter rédito político”.
Así, o popular explicou que os 160 medicamentos que pasan a ter achega do usuario terán un tope de 4,20€, aínda que o fármaco custe dez, cen ou mil veces máis. Ao tempo que explicou que parados e pensións non contributivas seguirán sen pagar nada polos medicamentos.
Ademais, Pensado matizou que non se vai a cobrar polos tratamentos farmacéuticos das persoas ingresadas nun hospital.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
