Lugo, 29 de outubro de 2013.- A Confederación Hidrográfica do Miño-Sil (CHMS), Organismo autónomo dependinte do Ministerio de Agricultura, Alimentación e Medio Ambiente (MAGRAMA), executará actuacións de restauración hidrolóxico-forestal en varios tramos fluviais da provincia de Lugo, nas que invertirá 653.696,43 euros.
Estas actuacións foron presentadas polo delegado do Goberno en Galicia, Samuel Juárez, e o presidente da Confederación Hidrográfica do Miño-Sil, Francisco Marín. Ao acto, celebrado na Subdelegación do Goberno en Lugo, asistiron tamén o subdelegado do Goberno, Ramón Carballo, e outras autoridades.
As actuacións proxectadas pretenden compatibilizar a garantía de desagüe dos cauces fluviais fronte a avenidas ordinarias, en episodios de intensas chuvias, co mantemento dos valores ambientais existentes nos tramos a actuar.
Para a elección dos tramos susceptibles de actuación, partiuse da extensión da conca hidrográfica, 18.000 quilómetros cadrados, e utilizáronse criterios técnicos de priorización sobre os tramos fluviais con máis afección comprobada e avalada polas inspeccións da guardería fluvial, ou a partir das peticións formuladas polos propios Concellos.
Previamente realizouse unha inspección das zonas a actuar, partindo da comprobación de se o tramo en cuestión ten algún réxime de protección ambiental, da proximidade de núcleos de poboación ou vivendas ailladas ou da cercanía de infraestructuras viarias que, de producirse incidencias graves, poderían illar a poboacións limítrofes. Para completar estas valoracións estudiáronse a tipoloxía e complexidade das actuacións a realizar, sen obviar o coste económico de cada intervención, todo elo para poder constatar a urxencia manifesta destes traballos.
O resultado deste traballo previo conclúe cunha programación clara das actuacións a realizar nos cauces fluviais máis problemáticos. Estas consistirán, fundamentalmente, en desbroces selectivos con eliminación de vexetación alóctona e regularización morfolóxica do cauce e coa retirada de elementos obstructivos, o que permitirá o aumento da resiliencia do río fronte a perturbacións naturais e antrópicas e á mellora da conectividade transversal e lonxitudinal das masas de auga.
Por outra parte, realizarase un aumento da sección de desagüe e recuperación de ribeiras mediante técnicas de bioenxeñería, utilizando biorrollos de malla de coco e mantas biodegradables, estaquillado con especies vexetais e arbóreas autóctonas para tratar de evitar ou minimizar os impactos de fortes crecidas e inundacións.
“Intentaremos mellorar as zonas de risco; pero, sobre todo, queremos garantir a seguridade para as poboacións e actividades económicas que poden verse afectadas polas alteracións hidromorfolóxicas dos nosos ríos”, indicou Samuel Juárez, delegado do Goberno en Galicia.
“Tivemos que realizar unha valoración exhaustiva antes de programar as actuacións; xa que o noso principal obxectivo é actuar nas zonas cunha problemática máis definida, co ánimo de minimizar e evitar os danos en momentos de intensas chuvias. En períodos de restriccións económicas, debemos de fixar unhas prioridades” concluíu Marín, presidente da CHMS.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
