Lourenzá, 31 de outubro de 2013. A charla coloquio sobre Francisco Fernández del Riego que se celebrará este sábado, día 2 de novembro, no salón de actos da casa de cultura de Lourenzá contará con tres participantes: o escritor Manuel Román; o director da Fundación Penzol, Francisco Domínguez; e Xosé Luis Anxemil, membro do equipo de coordinación lingüística da Xunta de Galicia en Lugo. Anunciouno hoxe a concelleira de Cultura, Lupe Flórez Seivane.
A mesa redonda titulada Galicia no espello. Reflexos de Francisco Fernández del Riego é un dos actos que se van desenvolver este sábado “para recordar a figura de don Francisco Fernández del Riego na lembranza do seu nomeamento como fillo predilecto do Concello de Lourenzá”, explicou Lupe Flórez, quen destacou que “terá como poñentes a tres grandes coñecedores, e nalgún caso amigos persoais, de don Paco. Faremos unha perspectiva desde o ámbito máis próximo a Lourenzá, a súa vinculación máis directa e familiar, ata o ámbito de maior transcendencia a nivel académico e literario”.
A edil de Cultura deu a coñecer aos participantes na charla. Sobre Manuel Román Ramos comentou que “é gran coñecedor e amigo persoal de don Paco, coautor xunto a Xosé González de dous libros sobre a súa figura: o primeiro deles titulado Vivir unha vida e a reedición e ampliación do mesmo, titulada Lume aceso. A súa intervención versará basicamente sobre a relación que unía a don Paco coa súa vila natal, Lourenzá, e seu ámbito máis familiar e próximo”. O director da Fundación Penzol, Francisco Domínguez, falará sobre “a achega que Francisco Fernández del Riego fixo á lingua e a cultura galegas desde a Fundación Penzol”. E a intervención de Xosé Luis Anxemil, membro do equipo de coordinación lingüística da Xunta de Galicia en Lugo, “versará sobre o aspecto do labor académico e institucional que don Paco realizou”.
Lupe Flórez espera que o acto “resulte do maior interese para os veciños de Lourenzá e de lugares limítrofes, que poderán coñecer un pouco máis en profundidade aqueles aspectos máis descoñecidos da figura de don Paco, os que quedaron fóra da súa vida pública, de tipo anecdótico, de carácter familiar, etcétera”.
A mesa redonda desenvolverase despois da inauguración da exposición titulada Francisco Fernández del Riego: cos ollos do seu espírito. Centenario do nacemento, acto que está programado para as doce do mediodía.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
