O Burela FS Pescados Rubén segue firme na súa loita de Primeira División RFEF. Os tres puntos da mañá deste domingo na pista de La Rioja FSF (0-4), tras un encontro de autoridade laranxa, permítenlles ás pupilas de Quico Otero seguir na primeira praza, con 19 puntos, empatadas co Atlético de Madrid Navalcarnero, que tamén venceu, ao UA Alicante (5-4).
A escuadra mariñá brindou unha primeira parte con dominio e ocasións, fronte a un rival que esperou no seu campo a iniciativa das visitantes. Aínda que as primeiras oportunidades ofreceron resistencia, as burelistas conseguiron adiantarse no minuto 13, a través dun pase elevado de Maite por encima da defensa rioxana que culminou en picada Peque. Sen apenas ataque en profundidade por parte das locais, o cadro laranxa ampliou distancias no 17, coa estrea goleadora da última incorporación mariñá; Cris aproveitou ao bordo da área un pase cara atrás de Maite desde xogada pola banda.
Tras o descanso, con 0-2 en contra as de Logroño intentaron intensificar a presión, aínda que sen demasiado perigo. Co paso dos minutos, optaron por repregar filas e volver esperar ás mariñás atrás. Claudia, desde o chan, subiu o 0-3 no 29, alcanzando un pase ao segundo pau de Peque desde a banda. A falta de cinco minutos para o asubío final, a escuadra local apostou polo xogo de cinco para equilibrar o electrónico. O definitivo 0-4 chegou no 36, cun disparo de Peque desde o campo laranxa a porta baleira.
Vista Alegre acollerá a oitava xornada o vindeiro sábado, 9 de novembro, con duelo de altos voos. O Burela FS Pescados Rubén recibirá o seu arquirrival na pugna polo liderado en solitario, o Navalcarnero, ás 18.30 horas.
Ficha técnica
La Rioja FSF: Jessica, Natalia, Beatriz, Carmen e Cristina, cinco inicial; tamén xogaron Rebeca, Bea Martín, Jessica J., Yari, Eva Ortega, Lara, Shiori
Burela FS Pescados Rubén: Patri, Peque, Maite, Lida, Bea Mateos, cinco inicial; tamén xogaron Jozi, Cris, Lara, Claudia
Goles: 0-1, minuto 13, Peque; 0-2, minuto 17, Cris; 0-3, minuto 29, Claudia; 0-4, minuto 36, Peque
Árbitros: Alberto Sarabia // Carlos Sarabia (Logroño)
Cartóns: Por Burela FS, amarela a Maite (minuto 19) e Peque (minuto 37)
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
