A Deputación de Lugo vén de poñer en marcha unha iniciativa solidaria co fin de enviar axuda urxente a Filipinas a través da ONG Cruz Vermella Internacional. Para elo, abriu, unha conta bancaria en Caixa Rural co seguinte número 3070-0001-29-6117221223 baixo o concepto de “Axuda a damnificados do tifón de Filipinas”. Nela, os cidadáns poden ingresar fondos en calquera oficina de Caixa Rural e axudar así a un pobo que, tralo devastador paso tifón Haiyan, enfróntase a unha situación de emerxencia extrema pola falta de auga potable e víveres, máis a ameaza da propagación de enfermidades.
O Presidente da Deputación José Ramón Gómez Besteiro, anunciou que “ante unha traxedia de tal magnitude, na Deputación de Lugo puxemos en marcha unha campaña de axuda a Filipinas a través da ONG Cruz Vermella Internacional. Fixemos o mesmo no caso de Xapón. A Deputación realizou un ingreso inicial de 6.000 euros e fai un chamamento á cidadanía interesada en colaborar nesta causa humanitaria”.
Non é a primeira vez que a Deputación de Lugo inicia unha campaña deste tipo, posto que no 2011 tamén quixo prestar a súa colaboración ós milleiros de vítimas do terremoto e posterior tsunami que afectou a Xapón, que se levou por diante poboacións enteiras e causou cerca de 15.000 mortos e desaparecidos, ademais de padecer graves problemas nos reactores da central nuclear de Fukushima. Outras campañas solidarias da institución estiveron centradas na recollida de tapóns de plástico, o que xa permitiu recuperar a saúde a varios pequenos da provincia de Lugo ó colaborar no financiamento de operacións e tratamentos médicos de custe moi elevado para as súas familias.
Os interesados en colaborar con Filipinas poderán atopar máis información sobre esta iniciativa na web da Deputación: www.deputacionlugo.org, así como no blog http://blog.deputacionlugo.org.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
