CERVO .- O Teatro Jofre de Ferrol acolle o domingo, día 14, a partir das sete do serán, a posta en escena da obra “R.I.P. Marandaina”, coa que o grupo de teatro “O Bordelo” de Cervo se proclamaba gañador da IX edición do ciclo de teatro afeccionado “Domingos a Escena”. Así o anunciaba esta mañá a edil de Cultura, Mercedes Carbajales, quen avanzaba que aqueles que queiran volver a gozar desta comedia poderán facelo totalmente de balde este domingo, xa que as invitacións para asistir de xeito gratuíto ao acto están a disposición do público na taquilla do teatro, en horario de 11 a 13 polas mañás e de 18 a 20 polas tardes.
Máis polo miúdo, a responsable das políticas culturais da Administración local lembraba que neste IX ciclo de “Domingos a Escena” instaurábase o primeiro “Premio do público”, un galardón que entregará este domingo o alcalde, Vicente Irisarri. Unha distinción dotada con 1.500 euros e a posibilidade de representar a obra gañadora no Teatro Jofre. Nesta liña, a edil destacaba que se trata dun premio especial, xa que foron os propios espectadores cos seus votos os que valoraron a peza do grupo “O Bordelo” de Cervo como a mellor das 27 obras representadas no Centro Cívico de Caranza entre o 21 de setembro e o 12 de abril. En concreto, “O Bordelo” participaba no ciclo de teatro o pasado 22 de marzo. De igual xeito, a responsable das políticas culturais lembraba que eran máis de 4.200 espectadores os que elixían á agrupación vencedora, o que supuxo o 72,5% das 5.800 persoas que acudiron en total ás diferentes actuacións de “Domingos a Escena”.
Con respecto á compañía, “O Bordelo” nace no ano 1998 logo de varias experiencias teatrais no Auditorio de Sargadelos, integrado na Asociación Cultural “Airiños do Xunco” co fin de “abordelar” ao carro do teatro afeccionado na Mariña. Dende aquela pasaron máis de 350 actuacións espalladas por toda Galicia e polo occidente asturiano. O teatro enraizado no pobo, con temas de actualidade, é unha das claves da súa conexión co público. Tradicionalmente, “O Bordelo” agasalla a tódolos amantes do teatro cunha nova peza na tarde-noite de Reis. Deles son “Andar á comenencia”, “Cambadelas”, “Relax total” ou “O Mariñán”, entre outras, ademais da citada “R.I.P. Marandaina”.
Por último, en relación á obra que porán en escena, “R.I.P. Marandaina”, escrita e dirixida por Francisco Piñeiro, cómpre sinalar que a trama xira en torno á Marandaina 500mg, un medicamento para reducir a febre do desequilibrio territorial, o aumento irracional dalgunhas poboacións nas que a elevada hipertensión social xa provoca colapsos circulatorios, brotes endémicos de intolerancia e artrose comunicativa propia das selvas asfálticas. Unha sátira sobre a sociedade actual, a incomunicación, ou a intolerancia. Unha comedia interpretada por Dolores Viamonte, Mª Paz Rodríguez, Antonio González, Xosé Vicente Mon, Xosé Manuel González e o propio autor e director Francisco Piñeiro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
