A Deputación de Lugo aprobou unha fórmula pioneira en España para favorecer o asentamento empresarial e crear emprego. Consiste en ofrecerlles ós empresarios, interesados en situar os seus negocios nos 7 polígonos que construíu a institución na provincia, a posibilidade de financiarlles, nun mesmo paquete, o custe da parcela e a construción das súas instalacións. O número de empregos máis o impacto socio-económico na zona serán os requisitos fundamentais para beneficiarse deste novidoso programa.
Así o acordou o Consello da Sociedade Urbanística Provincial –SUPLUSA-, organismo dependente da Deputación, durante a sesión na que abordou o seu Presuposto para 2014, dotado de 6 millóns de euros. O Presidente, José Ramón Gómez Besteiro, salientou que “estamos comprometidos co solo industrial. Esta pioneira fórmula es España é un paso adiante na nosa aposta por favorecer o asentamento empresarial e crear emprego. Xa reducimos o prezo das parcelas, facendo que o metro cadrado dos nosos parques industriais chegase a ser un 67% máis barato que, por exemplo, o que ten a Xunta nas Gándaras, na capital lucense. Despois de dous anos advertindo ó Goberno galego de que, con eses prezos, os seus polígonos se converterían en páramos, parece que por fin se decidiu a rebaixalos para tratar de colocar os 2,8 millóns de metros cadrados que acumula, o triple da superficie das 7 grandes cidades galegas. É imprescindible que as administracións ofrezamos incentivos e facilidades ós empresarios e emprendedores para asentar as súas empresas e crear emprego, poñendo fin a sexa imaxe de polígonos baleiros da Xunta”.
Hai anos que o organismo provincial reduciu o prezo do solo dos seus polígonos, conseguindo que a media se sitúe na actualidade nos 35 euros por metro cadrado. Dende 2010, a institución ofrece ós empresarios a posibilidade de efectuar o pago das parcelas nun prazo máximo de 5 anos. Ademais, no caso de que nese tempo os compradores non pagasen a parte correspondente, elimínanse as cláusulas de penalización, devólvese á empresa a cantidade aportada e a institución recupera a titularidade da propiedade.
Ante a inexistencia deste tipo de fórmulas por parte da Xunta de Galicia, xa no 2011, o organismo provincial advertiulle da necesaria posta en marcha de políticas de actuacións nesta materia. Dous anos despois, cando o Executivo autonómico acumula na Comunidade 947 parcelas cunha superficie de 2,8 millóns de metros cadrados baleiras, o Goberno galego anunciou medidas, seguindo os pasos da Deputación de Lugo.
6 millóns de euros
Precisamente, para poñer en marcha esta pioneira fórmula en España en impulso do asentamento empresarial e a creación de emprego, o Consello de Suplusa aprobou o seu Orzamento para 2014, dotado de 6 millóns de euros. Deste xeito, este presuposto será para favorecer o desenvolvemento urbanístico dos 7 polígonos que construíu a Deputación na provincia, situados en Begonte, Castroverde, Baleira, Ourol, Friol, Chantada e Paradela. Tamén se adicará ó mantemento de espazos naturais nas ribeiras do Rato, Chanca, Fervedoira, Miño, Cabe, Sil, Narla, Quiroga e Asma; así como á conservación das áreas verdes que xestiona a institución na provincia, que suman 1.200.000 metros cadrados.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
