Xoves 21 de novembro. A Fundación Impulso ao Deporte, Cultura e Turismo na Mariña presentou este mércores o Festival Audiovisual da Mariña Imaxiña 2013, na súa sede, en Burela. O presidente da entidade, Marcelino Luna Almarza, estivo acompañado polo mozo artista mariñán David Catá para dar a coñecer a terceira edición dunha iniciativa destinada á xuventude da comarca que persegue incidir nas inquedanzas culturais e creativas dos mariñáns máis novos.
Imaxiña, baixo a organización de Imdecum, combinará obradoiros de fotografía cun atractivo concurso final, dirixido aos centros de ensino secundario. Co apoio da Área de Cultura e Turismo da Deputación de Lugo, o festival Imaxiña suma en 2013 a participación dos IES María Sarmiento, de Viveiro, e Illa de Sarón, de Xove, para que poidan coñecer a maxia artística da Mariña co viveirense David Catá, internado nun proxecto persoal que abrangue a pintura, escultura, fotografía e videoperformance, así como os detalles da fotografía a través do persoal da Caixa Escura Producións.
O estudantado dos dous institutos poderán dar renda solta á súa creatividade e imaxinación a través do concurso final, en dúas categorías, fotografía e vídeo, ata o 27 de decembro; esta fase tamén estará aberta para os centros que participaron o ano pasado, Monte Castelo (Burela), Marqués de Sargadelos (San Cibrao), Vilar Ponte (Viveiro) e Gamallo Fierros (Ribadeo). Co comezo de 2014, a Fundación Imdecum fará público o nome dos gañadores, que recibirán unha cámara fotográfica como premio, na exposición dos traballos seleccionados.
Historia do festival
En 2011, o festival Imaxiña deu os seus primeiros pasos descubrindo o mundo do audiovisual no IES Monte Castelo, a través dun obradoiro creativo de vídeo ‘Fotografía en Movemento’, coa participación do pintor xovense Xoán Guerreiro, a comunicadora cervense Sabela Blanco e o profesor de Debuxo e Artes do Monte Castelo Pedro Cabarcos, ademais dunha charla sobre fotografía da reporteira gráfica de La Voz de Galicia Pepa Losada. Na segunda edición, os talleres, da man do fotógrafo focego Xulio Villarino e o persoal da Caixa Escura Producións, estendéronse aos IES Marqués de Sargadelos (San Cibrao), Vilar Ponte (Viveiro) e Gamallo Fierros (Ribadeo), cunha excelente resposta no concurso, con fermosas e orixinais visións da Mariña.
Gañadores 2013
O traballo fotográfico “Unha fiestra da Mariña”, da ribadense Elvira López (2º BAC), e o cervense Manuel Trigo Bello (4º ESO), polo vídeo ‘Raízes Galegas’, alzáronse cos premios Imaxiña 2012. Na primeira categoría, tamén quedaron finalistas as imaxes captadas por Óscar Cora, do Vilar Ponte de Viveiro (1º BAC), e Juan Manuel Sánchez e Lara Fernández, do Monte Castelo de Burela (2º BAC).
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
