Ribadeo, 21 de novembro de 2013. O Concello está a piques de recibir do Arquivo Histórico de Galicia preto de 40 libros de actas e outras publicacións que desde hai anos se atopaban en fase de restauración. Algúns datan do ano 1536 e outros do século XIX e son, segundo o alcalde, Fernando Suárez, “unha parte moi importante do noso pasado”, e engade que “un pobo que esquece o seu pasado é un pobo sen futuro”.
O rexedor dixo que “a noticia de hoxe non é precisamente económica nin do ámbito das infraestructuras, que son todas noticias moi benvidas. Referímonos á historia de Ribadeo e á importancia de ter un concello que non naceu hai catro días, senón que ten moitos séculos de historia e de historia documentada”.
Fernando Suárez anunciou que “o Concello recibirá en breve unha serie de libros de actas que estiveron durante bastantes anos en fase de restauración no Arquivo Histórico de Galicia, na Coruña, e onde imos recuperar unha parte moi importante do noso pasado, dos nosos antergos e de cómo era Ribadeo desde o século XVI, dado que os libros de actas datan do 1536, e van ata o XIX. Si é certo que no Concello de Ribadeo se conservaba documentación histórica deste tipo, pero xa hai moitos anos que varios libros se enviaron para a súa restauración e finalmente é agora, cando despois de estar amañados, voltarán aquí para seren custodiados na casa que os viu nacer, que foi a Casa Consistorial, aínda que non era no sitio no que agora se encontra”.
Para o alcalde de Ribadeo “esta é unha moi boa noticia porque o pobo que esquece o seu pasado é un pobo sen futuro e Ribadeo ten moito futuro e vai ter moito futuro, pero si ademáis sabemos da súa historia e si podemos coñecer máis para que os estudosos poidan vir interpretalos, lelos e sacar anacos desta historia lonxana mellor, porque seguro que botará luz sobre cousas moi importantes do Concello de Ribadeo”.
Entre os ejemplares que voltarán a Ribadeo atópanse libros de actas do Concello, libros de puridade, libros de acordos e autos consistoriales da vila de Ribadeo ou cadernos de actas para uso da xunta provisional do gremio de mar de mareantes do distrito de Ribadeo. Os libros van desde o ano 1536 ata o 1840.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
