A Mariña, 29 de novembro de 2013. A Plataforma na Defensa da Sanidade Pública da Mariña denunciou o traslado de persoal facultativo dende o Hospital da Costa, tamén dende o de Monforte, para reforzo de servizos no Hospital Lucus Augusti de Lugo. Unha vez mais vemos como os recortes masivos aplicados pola Consellaría de Sanidade en sanidade pública, sumado á aplicación do Decreto de Xestión Integrada, teñen como consecuencia o desmantelamento de servizos sanitarios, o afastamento da atención sanitaria da xente, e o desmantelamento progresivo do Hospital da Costa e os centros de saúde da comarca.
Traslado de persoal sanitario da comarca ao HULA para reforzo de servizos
A partir do 10 de decembro persoal sanitario do Hospital da Costa – cando menos unha especialista e unha enfermeira de prevención de riscos laborais – terán que ir reforzar, varias veces por semana, este servizo no HULA, sumándose tamén a este traslado forzoso persoal do Hospital de Monforte. Ademais a área de contabilidade do Hospital da Costa deixará de existir a partir do 1 de xaneiro, perdéndose cando menos seis postos de traballo no centro mariñao que nalgún caso, ao igual que cos servizos de prevención, serán derivados a Lugo.
Estas e outras evidencias, son probas de que o Decreto de Xestión Integrada non so elimina a autonomía de xestión sanitaria do Hospital da Costa, tamén camiña cara o seu desmantelamento e defunción.
Para a plataforma, ao propio decreto hai que engadir un xerente executivo de Burela sen competencias e un Xerente de Atención Integrada de Lugo, á súa vez é xerente do HULA, decidido a recoller o premio da degradación e da sanidade comarcal a favor da provincial. Para isto non ten ningún reparo en ordenar traslados forzosos de doentes e persoal sanitario da comarca como está a suceder con persoas afectadas por diferentes patoloxías, xa sexa para probas diagnósticas ou intervencións.
Os dirixentes políticos do PP na comarca, cómplices necesarios no desmantelamento da sanidade pública na comarca.
A Plataforma unha vez mais volve denunciar as mentiras da Consellaría de Sanidade, dos alcaldes e dirixentes políticos do Partido Popular na Mariña, que foron cómplices necesarios para aprobar un Decreto de Xestión Integrada que afasta os servizos sanitarios da poboación e vai camiño de converter o Hospital da Costa nunha pequena sucursal do HULA, xusto o contrario do que toda esta xente afirmaba antes da súa aplicación.
A Plataforma apoia a folga do persoal sanitario do 9 e 10 de decembro e participará na mobilización prevista o día 10 en Burela.
A Plataforma na Defensa da Sanidade Pública da Mariña, sumarase á mobilización convocada por sindicatos sanitarios o próximo 10 de decembro en Burela e apoia a folga convocada polos sindicatos do sector para os próximos 9 e 10 de decembro.
A Plataforma fai súas as reivindicacións dos sindicatos sanitarios contra as políticas de desmantelamento e privatización da sanidade pública e fan un chamamento á sociedade mariñá a participar e apoiar a manifestación que sairá do Hospital da Costa ás 20:30 do día 10.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
