Foz, 12 de decembro de 2013. A programación de Nadal do Concello de Foz empezará este sábado, día 14, co festival en beneficio do asilo de anciáns e rematará o 5 de xaneiro, coa Cabalgata de Reis. Ademais haberá outras actividades como un encontro de canto coral, unha foliada infantil, concertos de panxoliñas e a visita de Papá Noel.
O concelleiro de Cultura, Ánxel Paleo, anunciou que este sábado ás seis e media da tarde “farase na sala Bahía o festival en beneficio do asilo de anciáns de Foz no que participarán a Tuna de Veterinaria de Lugo, O Feitizo animación, o grupo de teatro A Adala, Tono, a Asociación Folclórica Andaravío, a Rondalla Latexos, Carina e o grupo Canere Sons. Cobrarase unha pequena entrada de tres euros e a recadación íntegra levarase ao asilo ao final do festival”, explicou Paleo, quen tamén aclarou que “os que non queiran aportar nada tamén poderán pasar sen ningún problema” e destacou que “toda a xente que participa neste festival faino de forma desinteresada e quero agradecer a súa colaboración”.
O edil de Cultura engadiu que “ao día seguinte, o domingo 15, celebrarase o 11º Encontro de Canto Coral de Nadal tamén na sala Bahía ás seis e media da tarde. A entrada é gratuíta e participarán o coro parroquial Virxe da Peregrina, de Cordido; o coro parroquial de Cangas; o coro Virgen de los Dolores, de Ferreira; o coro Os Castros, de Cangas; o coro da Escola de Música de Foz; o coro parroquial de Foz; o grupo Mar Aberto; a coral polifónica de Burela e a coral polifónica de Foz”.
Ánxel Paleo tamén deu a coñecer que “na semana seguinte o día 21 será a foliada infantil que organiza a agrupación folclórica A Subela, que a fai todo os anos con chocolatada incluída. E, xa nas propias datas do Nadal, o 24, día de Noiteboa, ás doce da mañá os alumnos da Escola de Música de Foz farán un concerto de panxoliñas pola rúa se o tempo acompaña; e tamén está previsto que Papá Noel chegue a Foz ao mediodía para percorrer as rúas e falar cos nenos e nenas. Teremos tamén o concerto de Nadal que fai todos os anos a Banda de Música de Foz, que será na igrexa parroquial pero de momento non está concretada a data de celebración”.
Ademais “o venres 27 ás seis e media da tarde na sala Bahía teremos teatro infantil coa compañía Os Quinquilláns representando a obra O Merlín. O 31, día de Fin de Ano, os alumnos da escola de música tamén farán un concerto de panxoliñas pola avenida da Mariña. E, xa metidos no ano que vén, o sábado día 4 a orquestra Oresmu, da Escola de Música de Foz, fará un concerto na sala Bahía a partir das sete e media da tarde. E, para rematar, o domingo día 5 terá lugar a tradicional Cabalgata de Reis, que percorrerá as rúas do pobo acabando na Casa do Concello, onde estará o belén”.
O concelleiro de Cultura rematou invitando “a todos os veciños de Foz e da Mariña que queiran asistir a estes actos que se acheguen ata Foz”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
