A actividade laranxa do fin de semana arranca o sábado día 14, 10.00 horas, con un encontro amigable en Xove do equipo infantil C ante o ACD Xove. Ás 11.30 horas o protagonismo será para o Cadete Autonómico que se enfronta ao Leis Pontevedra, en Vista Alegre.
Na quenda da tarde, Vista Alegre acollerá o interesante duelo de Terceira División entre o Burela Pescados Rubén B e o Bueu, 16.00 horas.
O espíritu laranxa viaxará a Santiago de Compostela onde o xuvenil nacional afronta o derbi ante o Santiago Futsal, pavillón de Santa Isabel ás 18.00 horas. Mentras os peques laranxas da Liga de A Mariña, prebenxamín 2, xogarán co Xove as 11.00 horas no municipal xovense.
O domingo día 15, o prebenxamín 1 xogará no pavillón Monte Castelo de Burela a cuarta xornada da Liga de A Mariña co Cidade de Viveiro, 12.00 horas.
Terceira División
CD Burela Pescados Rubén B – Bueu FS
Sábado 14 de decembro, 16.00 horas, no pavillón Vista Alegre de Burela
Liga Nacional Xuvenil
Santiago Futsal – CD Burela FS
Sábado 14 de decembro, 18.00 horas, no pavillón Santa Isabel de Santiago.
Liga Autonómica Cadete
CD Burela FS-Leis Pontevedra
Sábado 14 de decembro, ás 11.30 horas, no pavillón Vista Alegre de Burela.
Categoría Infantil. Amigable
ACD Xove – ED Burela FS
Sábado 14 de decembro, 10.00 horas, no pavillón municipal de Xove.
Categoría Prebenxamín. Liga A Mariña
ACD Xove – ED Burela FS
Sábado 14 de decembro, 11.00 horas, no pavillón municipal de Xove.
ED Burela FS – Cidade Viveiro
Domingo 15 de decembro, 12.00 horas, no pavillón Monte Castelo de Burela.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
