Burela, 12 de decembro de 2013. No 2014 haberá catro taxas e tarifas pola ocupación do espazo portuario que baixarán. Así llelo expuxeron os responsables de Portos de Galicia aos empresarios e autónomos asentados no porto de Burela no encontro mantido esta mañá e ao que asistiu o alcalde, José Mª González Barcia.
O rexedor contou que “hoxe pola mañá e a petición dos propios empresarios que están ubicados no espazo portuario houbo unha xuntanza entre persoal de Portos de Galicia e os propios empresarios para explicarlles as distintas variacións que se producirán de cara ao vindeiro ano nas tarifas e taxas que pagan pola ocupación do espazo portuario”.
González Barcia lembrou que “nós mantivemos unha reunión hai dous meses cos empresarios para dicirlles que Portos estaba a redactar un plan de usos do porto de Burela, previo a un plan sectorial para definir os equipamentos e as instalacións que se poden ubicar dentro dese espazo portuario. E naquel encontro foi onde os empresarios, os autónomos, que están no peirao propuxeron a posibilidade de manter un encontro con representantes de Portos de Galicia para recibir información sobre as variacións das taxas e das tarifas para 2014 e esa reunión se celebrou hoxe”.
Segundo explicou o alcalde burelés “hai 4 taxas que baixarán o vindeiro ano. Unha é a denominada CIS (sobre a actividade comercial, industrial e de servizos) que descenderá un 10%; baixa tamén a tarifa X5, que é a referida aos atraques das embarcacións deportivas; outra tarifa que descende un 8% é a que pagan os establecementos hostaleiros pola ocupación de solo e tamén baixa a E2, que é a que pagan os almacéns que están nos espazos portuarios”.
O equipo de goberno burelés considera que “é algo positivo fundamentalmente para poder manter a actividade. Nós seguiremos mantendo encontros cos empresarios e autónomos da zona portuaria porque algunha proposta xa plantexaron de cara a próximos anos co obxectivo de que sexa tido en conta pola Xunta de Galicia. Eles avogan pola modificación de taxas e de tarifas para tentar compaxinar a actividade económica cos tempos que corren agora mesmo, é dicir que non se grave demasiado a actividade económica que se poida levar a cabo no espazo portuario”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
