Foz, 13 de decembro de 2013 | O vindeiro martes 17 de decembro celebrarase no Edificio CENIMA de Foz a entrega dos premios “Alma da Artesanía da Mariña Lucense”. No acto, organizado pola Mancomunidade de Concellos da Mariña Lucense, faráselle entrega de mil euros a cada un dos gañadores. Na categoría de Artesanía Tradicional, o galardoado é o carpinteiro Miguel Fernández, pola súa peza “Berce”. Mentres, a ceramista Pilar Rei, fíxose co primeiro posto na categoría de Artesanía Contemporánea coa súa obra “Acollemento”.
Ademais destes dous recoñecementos, outros cinco artesáns fixéronse con “Premios Adquisición”, valorados en ata 300 euros por peza. Foron Dolores Trasancos, por “Anfora Rachada”; María del Carmen López, por “Anfora Arqueoloxía”; Pilar Elvira Felipe, por “Medusa”; Francisco Fraga, por “Lámpada Cubos” e Hilario Rubal García, por “Xoias Terrón de Azucre”.
O galardón recoñece a calidade e a excelencia dos creadores artesáns da Mariña lucense e pretende enxalzar a capacidade de innovación e de adaptación do feito á man, así como a aposta polos produtos tradicionais e contemporáneos para achegar as súas obras aos novos consumidores.
Convenio de promoción turística da Mariña
O premio “Alma da Artesanía” forma parte do conxunto de iniciativas que se recolle no convenio asinado en xullo entre a Axencia Turismo de Galicia e a Mancomunidade de Concellos da Mariña Lucense, cun orzamento total de 100.000 euros.
Ademais dos galardóns, contempla outras actividades, como o II Mes da Maxia, que se celebrou entre o 18 de outubro e o 10 de novembro; a promoción das Rutas da Artesanía, unha oferta turística innovadora que toma como valor diferencial a riqueza das actividades artesanais da Mariña ou a formación dos profesionais implicados na relación co turista, entre outras programacións.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
