Foz, 16 de decembro de 2013. A Praza Conde de Fontao, na zona portuaria de Foz, acollerá a terceira edición do Mercado da Ilusión, que se celebrará dende 27 ata o 29 de decembro. Haberá nove postos, que se instalarán nas casetas de madeira que acaba de mercar o Concello cunha subvención de Grupo de Acción Costeira.
Esta iniciativa foi presentada este luns polo alcalde focense, Javier Jorge Castiñeira, e unha representación dos participantes no mercado. O rexedor municipal explicou que “un ano máis unha serie de comerciantes de Foz quixeron estar co Concello e organizar para todos os rapaces de Foz e da Mariña que queiran acercarse á Praza Conde de Fontao, na zona portuaria, esa fin de semana para gozar dun mercado de Nadal precioso onde vai haber diferentes actividades, vanse poder comprar cousiñas de Nadal e sobre todo gozar da ilusión e vivir un momento bonito, sobre todo para os máis pequenos”.
Castiñeira destacou que “este ano estreamos infraestrutura, unhas casetas de madeira que financiou o Grupo de Acción Costeira dependente da Consellería do Mar, que se van usar para estas actividades e para outras, como festas gastronómicas. Este ano a temática do mercado está baseada nos contos dos pitufos e os 8 comerciantes que van estar alí máis a Protectora de Animais, que tamén terá un posto, ambientarán as casetas con adornos de Nadal e tamén con motivos dos contos dos pitufos. Vai estar moi bonito e vai haber unha serie de concursos e moitas actividades durante a fin de semana para que todos os rapaces e os pais poidan gozar dun momento de Nadal aquí, no concello de Foz”.
O alcalde agradece “a todos os comerciantes a súa participación, porque sen eles sería totalmente imposible levar a cabo esta iniciativa. E quero animar á xente a que se acerque a Foz neste Nadal porque hai moitas actividades. Este fin de semana pasado houbo gran actividade co festival benéfico do asilo, que foi un éxito e recadáronse mil euros. E despois o festival de corais de Nadal, que tamén tivo moita presenza de público. Estas actividades rematarán o día 5 de xaneiro coa Cabalgata dos Reis Magos. Son unhas festas cheas de actividades organizadas polo Concello, polos comerciantes e pola Acia de Foz”. E rematou animando “a comprar en Foz e na Mariña, porque tamén grazas aos comerciantes se poden facer estas actividades”.
Un dos participantes no Mercado da Ilusión, Moncho Castro, explicou que “este ano somos nove, unha delas de Burgos que xa participou no mercado da Festa Normanda e tiña gañas de volver a Foz. É un mercado de Nadal pero non é o típico. Cada ano ambientámolo nun conto, pensando nos nenos, e nesta ocasión está dedicado aos pitufos”.
Os postos serán de Amarena, Anduriña, A Ponte de Ferro, Arrullos, Chinela, Chus Lage, Fibela e Tiangélica hace jabones, ademais da Protectora de Animais de Foz. Poñerán a venda produtos de pastelería, artesanía, roupa infantil, mercería e calzado, entre outros. E colaboran o Concello de Foz e os establecementos hostaleiros que hai na zona do peirao: A Funcional, A Rambla, A Rula, O Lar, O Muelle e O Náutico.
Sobre o programa de actividades Moncho Castro destacou que o 27 de decembro ás 11 da mañá “farase unha inauguración coa actuación do grupo folclórico Andaravío e despois empezará un concurso de debuxo para os nenos, que será durante o venres e o sábado e os rapaces van ter a súa disposición pinturas e folios para poder debuxar o que queiran relacionado co Mercado da Ilusión. Tamén teremos un Buzón da Ilusión, no que poderán depositar cartas con ilusións que teñan para o novo ano e ideas para que poidamos levalas a cabo no 2014. O sábado faremos o que chamamos A Noite Azul e entregaremos vales para os que veñan vestidos de pitufo ou que leven algunha prenda azul; eses vales, unha vez selados, serviranlles para tomar unha consumición nos locais hostaleiros que colaboran con nosoutros. O venres e o sábado ás sete da tarde proxectaremos unha película dos pitufos”.
Moncho Castro tamén anunciou que “faremos un sorteo con toda a xente que veña disfrazada, darémoslle unha rifa para entrar no sorteo dunha cena para dúas persoas e velada cun famoso, que non dicimos quen é para que sexa sorpresa. Pero xa contactamos con el e está disposto a vir e a pasar unha velada coas dúas persoas que resulten premiadas. O domingo durante todo o día haberá inchables para os nenos e ás doce do mediodía estará o grupo O Feitizo facendo unha actuación. Despois teremos a entrega de premios do concurso de debuxos e das tres cartas máis orixinais do Buzón da Ilusión. Pola tarde faremos unha festa de disfraces para os nenos na que repartiremos chuches e premios. Tamén sortearemos unha cesta de Nadal entre a xente que compre nas casetas. E ás nove da noite terá lugar a clausura co grupo Andaravío.”
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
Celebrouse este luns na Delegación Territorial da Xunta en Lugo en memoria das vítimas dos terremotos de Venezuela.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
