Novos tempos no PSdeG

A sociedade demanda tempos de cambio no concernente ó ámbito político, de cara a que a política sexa a que esté na sociedade e arranxe os seus problemas, pero a raíz diso hai que trocar a forma de traballar, estando a pé de rúa e transmitíndolle ós cidadáns a enerxía de que outra forma de facer as cousas é posible. Pois ben, o primeiro alento de ilusión ven da man do novo Secretario Xeral do PSdeG, José Ramón Gómez Besteiro, un líder que ten un proxecto político e que é capaz de chegar a todas as sensibilidades da cidadanía, pero todo bo proxecto debe ser colectivo e ahí, onde collen relevancia no ámbito provincial González Santín ou Carlos Ferreiro.

Unha nova óptica social é a que nos debe levar a traballar en todas e cada unha das agrupacións, en todos e cada un dos concellos, berces da nosa sociedade, para sermos unha realidade de goberno de cara as eleccións municipais. Asimesmo, certo é que é o momento de que novas caras contaxien a súa ilusión ó pobo e que xuntos, da man, a xente con máis experiencia e con xuventude e ilusión, protagonicen un novo concepto do socialismo.

Na Mariña, na que teño a fortuna de estar a miúdo e onde disfruto cos compañeiros e compañeiras de partido, hai potencial, xuventude, ilusión e compromiso, como a que irradia a coordinadora comarcal Mayra García, para pilotar a nave dun bo número de concellos, á vez que reivindicar o propio, como o texido económico ou os servizos básicos, en ámbitos fundamentais como a educación ou a sanidade. Desta forma, é o momento de darmos como colectivo un paso adiante e de estar en todos e cada un dos lugares que os nosos veciños, demandan.

Finalmente, acordarme do bo compañeiro e amigo Melchor Roel, un símbolo para todos aqueles socialistas e cidadáns de a pé, que defendemos uns ideais e loitamos con gañas e con ilusión por cambiar a nosa sociedade. Melchor, ti eres un referente de loita e constancia, para defender os intereses dos teus e con esa enerxía imos a traballar, para sermos un referente de cambio social. DEP.

Jesús Vázquez Tallón.
Coordinador provincial Xuventudes Socialistas.