Cervo, 12 de decembro de 2013- O Concello de Cervo quere manifestar o seu apoio aos pais e nais que reivindican a axilización dos trámites para que o Goberno central ceda á administración cervense a Casa do Mar e, desta maneira, poder albergar neste edificio o servizo do Punto de Atención á Infancia.
Unha demanda que comparte o Concello e por iso no día de hoxe o alcalde de Cervo, Alfonso Villares e a edil de Educación, Pilar Armada, xuntáronse cos pais e nais para demandar publicamente unha aceleración dos trámites.
A edil de Educación asegura que “o noso desexo é que para o próximo curso a Casa do Mar estea baixo a nosa xestión e, desta maneira, darlle un uso e un aproveitamento público maior e isto significa, dende logo, aloxar nela o Punto de Atención á Infancia”.
Armada lembrou que hai un ano e medio a Subdelegación do Goberno desbloqueou a petición de cesión que o Concello levaba facendo dende o 2008, unha reclamación que caeu en saco roto ata o mes de xuño de 2012, co cambio de responsables no Goberno central. Foi Antonio Nores, director provincial do INSS e da Tesourería Xeral da Seguridade Social, o que visitou a Casa do Mar ao pouco de iniciarse no seu posto e xusto un día despois de que o alcalde se reunise en Lugo con Nores e co subdelegado do Goberno, Ramón Carballo.
A principios de 2013 o Concello recibira unha comunicación da Tesourería Xeral da Seguridade Social na que propoñía o pagamento dun aluguer para poder utilizar a Casa do Mar, unha medida que a administración local rexeitou por ser “transitoria e non solucionar a situación de forma definitiva implicando ademais un gasto excesivo para as arcas municipais” lembra a edil.
Despois dun tempo estudando a situación, a principios do verán deste ano as partes implicadas volvéronse reunir, decidindo que a mellor solución era solicitar á Dirección Xeral de Costas a desafectación da Casa do Mar do dominio público marítimo terrestre. Unha petición que foi enviada de xeito oficial no mes de setembro, despois dun acordo adoptado en pleno.
Polo tanto, o Concello recoñece o traballo realizado, pero quere pedir aos responsables do Goberno central en Madrid, que é onde están resolvendo a xestión, que “sexan sensibles ás necesidades do Concello de dispoñer deste espazo e sobre todo dos pais e nais, que agardan que os seus fillos conten cun servizo de gardería nas novas instalacións” remata Armada.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
