A Plataforma Galega polo Aborto, da que o Observatorio da Mariña pola Igualdade forma parte, está en alerta feminista por se este venres 20 é aprobada a reforma do aborto por parte do Consello de Ministr@s. De ser así, o feminismo galego sairá ás rúas e realizaranse concentracións ás 19.00h en diversos concellos de Galiza.
Dende o Observatorio da Mariña pola Igualdade chámase a acudir – DE SER APROBADA A REFORMA – a ditas concentracións, que na Mariña de Lugo terán lugar ás 19.00h diante da Casa do Concello de Ribadeo, por un aborto libre e gratuíto. O resto de concentracións convocadas son en: Vigo (Marco), A Coruña (Obelisco), Ourense (Casa do Concello), Compostela (Sede do PP en Alfredo Brañas), Ferrol (Casa do Concello), Lugo (Subdelegación do Goberno), Pontevedra (Praza da Peregrina), Cangas (Casa do Concello).
Dende a Plataforma Galega polo Aborto sinálase que:
Estamos a vivir unha situación na que as mulleres vemos como os nosos dereitos sexuais e reprodutivos está a ser atacados, e no que non se nos deixa decidir sobre o noso corpo.
Hoxe a loita feminista cobra máis importancia, non só para combater as políticas de recortes da dereita, mais tamén na defensa das nosas liberdades, de ser nais ou de non o sermos, de ter dereito a un aborto libre, gratuíto e na sanidade pública.
O cambio lexislativo anunciado polo Ministro de Xustiza Alberto Ruíz Gallardón, en materia de Interrupción Voluntaria do Embarazo, devolveranos máis atrás de 1985 coa volta a un sistema de supostos. Desde a Plataforma Galega polo aborto esiximos:
· Non á contrarreforma da Lei de aborto que quere acometer o Goberno do PP.
· Dereito de todas as mulleres a decidir sobre a súa corpo, incluíndo ás mulleres novas e ás mulleres migrantes. Porque a liberdade de ser nai pasa pola liberdade de non o ser.
· A interrupción Voluntaria do Embarazo (IVE) fóra do Código Penal
· A garantía dun aborto libre e gratuíto na rede sanitaria pública
· A regulación da obxección de conciencia.
Por todo isto faise un chamamento a participar en todas as accións convocadas desde a Plataforma, en especial a concentrármonos diante dos Concellos, ás 19.00h, o mesmo día en que se faga pública a aprobación por parte do Consello de Ministr@s da contrarreforma.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
