Os 26 municipios que forman parte da Reserva da Biosfera Terras do Miño recibirán 4 millóns de euros para impulsar o seu desenvolvemento económico e social. A Vicepresidenta Segunda da Deputación de Lugo, Lara Méndez, presidiu este xoves a reunión dos órganos de xestión deste espazo protexido na que quedou aprobado definitivamente o Plan de Acción que fará posible este investimento. O proxecto, que entrará en vigor o 1 de xaneiro, contempla 20 accións encamiñadas a conservar o patrimonio natural da Reserva, dotar de servizos e infraestruturas ós veciños para mellorar a súa calidade de vida, e xera riqueza e emprego para fixar poboación.
A Reserva Terras do Miño foi a primeira que a UNESCO declarou en Galicia, no ano 2002. É a máis grande da comunidade autónoma e a segunda de toda a Península Ibérica, cunha extensión de 363.668 hectáreas, o que supón o 39% do territorio da provincia. “Todo un valor engadido que non podemos desaproveitar polas oportunidades económicas e de creación de emprego que ofrece, e tamén polo abano de posibilidades que abre para atallar un dos máis graves problemas que afronta a provincia, o despoboamento demográfico”, indicou Lara Méndez.
En canto ás iniciativas para dinamizar a economía da zona, o Plan de Acción aprobado hoxe ten cinco eixos: a mellora da comercialización dos produtos autóctonos, o apoio a actividades artesanais existentes e a promoción doutras novas; o impulso da agricultura, gandería e xestión forestal sostibles; o turismo verde, de calidade e sostible; e as actividades cinexética e piscícola sostibles.
Polo que respecta á dotación de servizos, o Plan de Acción de Terras do Miño centrarase en acometer melloras no saneamento, depuración e abastecemento de auga dos núcleos rurais; incorporar as novas tecnoloxías, obras de adecuación e mellora de vías e pistas, sinalización e rehabilitación de edificios públicos.
As actuacións de conservación do patrimonio natural farán fincapé nos humidais, os corredores fluviais, bosques autóctonos e húmidos, zonas danadas por actividades extractivas, erosivas ou incendios, e os ecosistemas tradicionais, favorecendo os peches naturais vexetais, camiños tradicionais, sebes, muros ou bancais. Tamén se tomarán medidas para mitigar o efecto invernadoiro e controlar as especies invasoras.
Que fan e quen forma os órganos de xestión
A reunión dos órganos de xestión que tivo lugar este xoves pecha o procedemento para sacar adiante o Plan de Acción de Terras do Miño, iniciado no mes de xullo coa aprobación inicial; logo foi exposto ó publico sen que se presentase ningunha alegación; e este mesmo mes celebráronse mesas sectoriais nas que a Deputación buscou potenciar as achegas dos cidadáns para definir as liñas de actuación.
Os órganos de xestión están formados pola Deputación, que ten a presidencia, os alcaldes dos 26 concellos incluídos na declaración – Ourol, O Valadouro, Muras, Alfoz, Mondoñedo, Abadín, Xermade, Vilalba, A Pastoriza, Riotorto, Guitiriz, Cospeito, Meira, Begonte, Rábade, Castro de Rei, Outeiro de Rei, Pol, Lugo, Friol, Castroverde, Guntín, O Corgo, Baralla, O Páramo e Láncara-, ademais da Xunta, o Goberno central e 21 organizacións sociais.
Estes colectivos son os seguintes: Revolta Natural de Cospeito; Tecor de Caza de Riotorto; Asociación Medioambiental de Riotorto; Sociedade Galega de Historia Natural (SGHN), Asociación Terras de Lugo; Agrupación de Asociacións de Veciños de Lugo (AGRUPALUGO); ADEGA; Sindicato Labrego Galego (SLG); as comunidades de montes en man común de Amorín e Carqueixas (Pol), e de Santo Estevo de Parga e San Xulián de Roca (Guitiriz); xunta local da Asociación Española contra o Cancro de Guitiriz, Asociación Cultural e Medioambiental dos Veciños de San Xulián de Becín (Guitiriz); Asociación Cultural Arricadeira de Riotorto; Asociación Galega de Custodia do Territorio; Asociación Cultural Amigos do Patrimonio de Castroverde; Sociedade Micolóxica Lucus; Asociación de Desenvolvemento Comarcal Terra Chá; Asociación Os Sete Castros; Asociación de Montes e Vales, e Asociación de Desenvolvemento Comarcal da Mariña.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
