A programación de Nadal do Concello de Xove xa deu comezo o sábado 14 co obradoiro de colocación do Belén e continúa este venres 20 de decembro coa visita de Papá Noel á Escola Infantil de Xove durante a Festa do Nadal antes de percorrer todas as parroquias do municipio na tarde do sábado 21.
O Parque de Xove será o escenario da inauguración do Belén Municipal ás 21.00 horas. E xa o luns 23 continúan os obradoiros de manualidades que se desenvolverá na OMIX dende as 11.00 ás 13.00 horas dirixidos a rapaces e rapazas de 3º a 6º de Primaria no que poderán participar previa inscrición ata o 18 de decembro.
O Salón de Actos do Centro Cívico acollerá a proxección do filme ‘El Ilusionista’ o martes 24 ás 16.30 horas; e o mércores 15, o pavillón municipal será o escenario do espectáculo infantil ‘A Bailar’ a partir das 18.00 horas que rematará con chocolatada.
O xoves 26 celebrarase no Centro Cívico o concerto de Nadal da orquestra clásica de Xove a partir das 19.00 horas; mentres que o venres 27 haberá xogos infantís e aeróbic na aula multideportiva en horario de mañá. Os rapaces e rapazas interesados en participar pódense inscribir no Concello ata o luns 23 de decembro. Ese mesmo prazo de inscrición deben respectar os interesados en participar no Torneo de Tenis de Mesa que disputarán na OMIX os rapaces de entre 12 e 30 anos.
O sábado 28 será a quenda da música co III Concurso de Karaoke para o que é preciso inscribirse atao 27 na oficina de Cultura ou o propio día no pavillón municipal onde comezará o espectáculo a partir das 21.30 horas, despois dos ensaios pertinentes.
O luns 30 de decembro repítense os obradoiros de manualidades na OMIX e o xoves día 2 a proxección doutro filme, ‘Fantástico Mr. Fox’ na OMIX a partir das 17.00 horas. Así mesmo, o venres 3 repítense as actividades da aula multideportiva, pero tamén haberá teatro no Salón de Actos do Centro Cívico a partir das 20.00 horas da man de ASPANANE.
O sábado 4 será o Día do Neno. A piscina municipal acollerá xogos acuáticos e o pavillón, inchables. Finalmente, o domingo 5 de xaneiro os Reis Magos percorrerán as rúas de Xove a partir das 19.00 horas. Posteriormente no pavillón municipal celebrarase unha festa infantil con Dj Tapi-Decibelios a partir das 20.00 horas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
