Lugo, 31 de decembro de 2013.- Os votos en contra do PSOE e do BNG no pleno da corporación celebrada hoxe impediron que se abrisen as vías de diálogo que solicitaba o Partido Popular para chegar a un consenso na saída da Sociedade Anónima Deportiva Breogán Club de Baloncesto a través dun proceso que “garanta a súa viabilidade e evite a súa deslocalización”.
A voceira do Partido Popular na Deputación Provincial de Lugo, Elena Candia, explicou que o seu grupo non busca facer demagoxia, “queremos que se rectifique” ante unha decisión tomada de forma “aillada” e que está a espertar un posicionamento en contra dos que “realmente queren ao club, xa que o proceso de poxa pública deixa as portas abertas á deslocalización”.
Este debate deuse tras a presentación vía urxencia dunha moción por parte do Grupo Provincial do Partido Popular na que de maneira concreta solicitaba a paralización do proceso de alleamento de accións da SAD Breogán Club de Baloncesto, baixo as cláusulas aprobadas en xunta de goberno de 27 de decembro de 2013, e que se rexen polo proceso da poxa pública.
Os populares a prol do deporte
Candia explicou que o Breogán C.B. é moito máis que un club de baloncesto e neste senso, o Partido Popular sempre manifestou o seu posicionamento a prol de que un club histórico “non chegue a desaparecer e continúe afincado na localidade”.
Os populares rexistraran no mes de xuño unha moción na que pedían que non se levara a cabo o proceso de aillamento das accións sen contar cun plan de viabilidade, e menos, facelo, como o rexe o último prego de cláusulas aprobado.
En relación a isto, a popular tachou de lamentable que na última xunta de goberno se aprobase unha folla de ruta diferente a establecida previamente, sen informar da modificación pese a que o día anterior se celebrara a xunta xeral da SAD Breogán, durante a que non se deu conta dos cambios aos socios fundadores, aos accionistas, aos aboados e aos afeccionados.
O público xunto co PP reivindicou a paralización do proceso
Á sesión plenaria celebrada esta mañá asistiron un amplo número de afeccionados do equipo de baloncesto que, xunto co PP, deixaron patente en numerosas ocasións a súa desconformidade coa actitude que está a levar a cabo a Deputación Provincial de Lugo.
Os populares lamentan que nin tan sequera o PSOE e o BNG provincial sexa quen de aceptar un ofrecemento de diálogo e de consenso, polo que recriminan a súa xestión e actitude autoritaria.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
