Lugo, 31 de decembro de 2013.- Os populares votaron en contra da aprobación definitiva duns orzamentos elaborados polo PSOE e o BNG, que segundo puxo de manifesto a voceira do PP na Deputación de Lugo no transcurso da sesión plenaria, veñen a consagrar á administración lucense como a “dos recortes, do partidismo e da desatención de competencias”.
Os populares reproban que o equipo de goberno da Deputación Provincial de Lugo coa aprobación destes orzamentos continúen a poñer en perigo o Servizo de Axuda no Fogar na provincia, ao que destinan menos que á propaganda; ou recollan o peor Plan de Obras e Servizos de toda Galicia, cuxo investimento noutras administracións é superado por dez.
Os recortes recollidos nas contas para o 2014 rexístranse en partidas tan importantes como a de investimentos reais que sufre unha redución do 21% ou a de transferencias de capital a concellos que se ve diminuída nun 53%.
Uns datos que segundo a popular veñen a poñer de manifesto o afogo ao que a Deputación Provincial de Lugo está a someter aos municipios da provincia e, especialmente, a aqueles gobernados polo Partido Popular que en Xunta de Goberno do ano 2014 non lles foi aprobada a concesión de ningunha subvención excepcional.
Ante esta situación os populares presentaron reclamacións aos orzamentos tanto para o incremento da dotación destinada ao SAF como para que se asuman as competencias cos municipios, que dende a Deputación Provincial de Lugo rexeitaron.
Un PES partidista e impreciso
Os populares abstiveron á hora de aprobar o Plan Estratéxico de Subvencións para o 2014, por consideralo “impreciso e partidista”. Neste senso, Elena Candia explicou que o 48% das subvencións non tiñan un procedemento de concesión definido e que por exemplo na área de presidencia, só no 1,6% do total está claramente definido o seu procedemento a través do procedemento de concorrencia.
A voceira tamén rexeitou que dos 249.500 euros destinados a subvencións nominativas, os concellos gobernados polo Partido Popular (43 dos 67 da provincia) só reciban 40.000 euros. “Unha mostra clara do sectarismo da Deputación Provincial de Lugo”, matizou.
Polo tanto, a popular durante a súa argumentación desbotou principios recollidos no PES como os de igualdade ou obxectividade, cando o 80% das nominativas son para o PSOE e o BNG e existen reparos de intervención á hora de conceder subvencións polo procedemento de excepcionalidade.
O PSOE e o BNG néganse a procesos transparentes
O equipo de goberno da Deputación Provincial de Lugo votou en contra dunha iniciativa dos populares na que se solicitaba a creación duns criterios obxectivos e coñecidos á hora de conceder o uso dos equipos do parque móbil aos municipios.
A popular lamentou que o PSOE e o BNG se neguen a facer transparente este proceso co obxecto de evitar calquera tipo de práctica partidista.
Os populares avogan por un concenso
No transcurso da sesión plenaria, os populares tamén avogaron por que o anteproxecto de Lei Orgánica para a Protección da Vida do Concibido e dos dereitos da Muller chegue a posturas máis próximas durante o seu debate nas cortes, co obxecto de que sexa aprobada co máximo consenso.
Neste senso os populares rexistraron unha enmenda que foi rexeitada polo equipo de goberno, na que explicaban que o contido do anteproxecto, que está en fase inicial e fáltalle a tramitación parlamentaria, pode sufrir modificacións e polo tanto e ante un asunto de enorme complexidade política, xurídica e moral “sería bo ter unha lexislación apoiada maioritariamente polas Cortes”, de aí que o PP propuxera que a Deputación ínstase a que se apunten posibles acordos na súa redacción co obxecto de ter unha lei con maior consenso.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
