O Burela Pescados Rubén inicia o novo ano cun gran desafío, visitando o Palacio dos Deportes para enfrontarse a ElPozo Murcia, segundo clasificado. O encontro correspondente á xornada 18 da Primeira División xógase o venres día 3, a partir das 21.00 horas.
Os mariñaos buscarán dar a sorpresa ante un ElPozo Murcia que mantén unha traxectoria impecable como local; 8 partidos, 8 vitorias. Malia a historia e os números actuais dos murcianos o adestrador burelés, Juanlu, confía en plantar cara a un dos grandes da Liga: “somos conscientes da dificultade do reto que supón medirse a ElPozo. A primeira premisa para poder competir por un resultado positivo pasa por defender moi ben e unha concentración máxima durante todo o partido”. Ademais das virtudes individuais; Miguelín, Kike, Grello, Adri, Alex,…. e o seu excelente xogo colectivo os murcianos fixeron do Palacio un fortín inexpugnable ata o momento. Na súa casa “comezan os partidos moi enchufados e agresivos así que debemos ser capaces de contrarrestar esa presión inicial para non ir contracorriente desde o principio. O seu potencial é moi alto e ademais teñen unha gran riqueza táctica e estratéxica. Si non están especialmente finos, sempre atopan unha vía de perigo a través das accións a balón parado”. Unha das chaves para dar a sorpresa sería “adiantarnos no marcador, daríanos un plus de confianza aínda que, evidentemente, tampouco che asegura nada”. O Burela Pescados Rubén deberá rozar a perfección para regresar con botín de terras murcianas e para iso “debemos ser moi efectivos de cara a gol xa que eles apenas conceden ocasións”. En Vista Alegre, ElPozo logrou unha vitoria clara (0-4), aínda que para nada cómoda e tirando de contragolpe como principal recurso, algo pouco habitual nos murcianos. “Considero que competimos ben contra eles e suscitámoslles moitas dificultades que esperamos repetir pero cun final favorable” concluíu Juanlu.
Dúbida
O adestrador de ElPozo declarou sobre o partido que espera que “o Burela non empece a levantar cabeza en Murcia. Non queremos ser o seu punto de inflexión” engadindo que “ten potencial, estrutura e un gran adestrador para estar máis arriba na clasificación, e estou seguro que o estará. É un conxunto con virtudes, avezado, completo, moi compensado e que non merece estar no posto que ocupa na táboa.Temos que aproveitar a súa falta de confianza actual e saír airosos deste encontro”.
CONVOCATORIA
Burela Pescados Rubén: Edu, Isi, Christian, Antoñito, Burrito, Matamoros, Álex, Mimi, Hugo, Carlitos, Iago Míguez e Juanma.
ElPozo Murcia: José Ruiz, Juampi, Jesús, Bebe, Álex, Miguelín, Fabio, Kike, Adri, Rafa, Raúl Campos e Grello. Baixa: Franklin.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
