Burela, 23 de xaneiro de 2014. O alcalde, José Mª González Barcia, fai unha valoración moi positiva da promoción que se está a realizar de Burela e da Mariña en Fitur, “xa que tivemos a oportunidade de divulgar todo o que representa o mar para esta comarca desde os puntos de vista pesqueiro e gastronómico”.
O rexedor fixo esta tarde unha valoración da presenza da Mariña en xeral e de Burela en particular en Fitur: “é positiva porque foron moitos os profesionais que se achegaron polo stand de Turgalicia para ter máis información sobre A Mariña. E na presentación que fixemos esta tarde da promoción conxunta da comarca Burela tivo a oportunidade de explicar e divulgar todo o que representa o mar para a comarca dende o punto de vista da pesca e consecuentemente dende o punto de vista gastronómico. Nese sentido incidimos na enorme calidade dos nosos produtos pesqueiros, tanto do marisco como fundamentalmente da pescada do pincho e do bonito de Burela. A receptividade dos profesionais que estaban asistindo ao acto foi importante e nosoutros estamos moi satisfeitos de cómo está transcorrendo Fitur”.
González Barcia explicou que “tivemos tamén a oportunidade de conversar coa ministra de Fomento, quen nos anunciou que proximamente vaise abrir a A-8, co que representa para achegar A Mariña e Burela a aqueles puntos de orixe dos potenciais turistas. Puntos como por exemplo o País Vasco ou a Meseta, que antes estaban a seis, sete e incluso oito horas de viaxe coa A-8 vanse reducir considerablemente os tempos e iso vainos permitir poder acceder a eses puntos de orixe dos potenciais turistas”.
O alcalde de Burela subliñou que “un aspecto fundamental para A Mariña e para Burela e ese referente gastronómico que ten o mar, que non soamente é un recurso a nivel lúdico, para estar nunha praia ou para poder gozar del doutras maneiras, senón que todos os recursos pesqueiros que hai na comarca son importantes. E o que intentamos é que as persoas non se queden coa imaxe da pescada do pincho ou do bonito de Burela que ven en facebook ou en twitter, senón que se acheguen á Mariña coa finalidade de estar e permanecer uns cantos días entre nós, coñecer a fondo a comarca e degustar fundamentalmente os produtos do mar, mariscos e pescados, que son de primeira calidade como xa está comprobado e demostrado”.
José Mª González Barcia asistirá mañá aos actos que se desenvolverán no stand de Turgalicia a partires das 10:30 horas para celebrar o Día de Galicia e que estarán presididos polo titular do executivo galego, Alberto Núñez Feijóo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
