Lugo, 24 de xaneiro de 2014.- O deputado do Grupo Parlamentario Popular e secretario do Parlamento de Galicia, Jose Manuel Balseiro explicou que todos os concellos lucenses poderán beneficiarse das axudas da Xunta para a mellora dos parques empresariais instalados nos seus termos municipais.
O Goberno galego destina con este obxecto unha partida de 4,4 millóns de euros, na presente anualidade (2014), “o que supón duplicar o orzamento do exercicio anterior para este mesmo fin”.
MELLORA DAS INFRAESTRUTURAS INDUSTRIAIS
Balseiro apunta que os obxectivos perseguidos por estas axudas son os de incrementar a calidade das infraestruturas dos parques empresariais, corrixir determinadas carencias que poidan presentar, e dar os apoios económicos precisos para atender novas necesidades en materia de comunicación, enerxéticas ou de servizos comúns, que lles permitan unha actualización permanente fronte aos seus competidores.
A modo de exemplo Balseiro indica que estas axudas centraranse na colaboración cos concellos para a posta en marcha de infraestruturas tales como, servizos centralizados de xeración e subministración de enerxía; novas plantas de depuración de augas nos parques empresariais; mellorar os seus accesos e contornos viarios ou, incluso, instalar neles sistemas de seguridade e vixilancia.
“Ademais, cómpre sinalar que son axudas máis accesibles, máis cuantiosas e que se anticipan, xa que o 25% delas poden percibirse antes de executar as obras” –salientou Balseiro
DINAMIZAR A ECONOMÍA E O EMPREGO LOCAL
“O Goberno galego esta a ser un apoio decisivo para motivar o esforzo común de constante mellora da oferta de solo empresarial” -dixo Balseiro, tras indicar que a Xunta “actúa así porque é consciente de que os parques empresariais son un axente dinamizador da economía e do emprego local”
Balseiro resumiu a filosofía destas axudas na aposta do Goberno galego por subvencionar aqueles servizos que permitirán gañar competitividade e reducir custes ás empresas que decidan instalarse o que xa estean instaladas nestes parques industriais
INCREMENTO DO NÚMERO DE EMPRESAS
Balseiro salientou a importancia destes apoios sobre todo tendo en conta os últimos datos, e nesa liña lembrou que, segundo o reflicten os estudos do Instituto Galego de Estatística en 2013 na provincia de Lugo, creáronse en total 429 empresas, 23 sociedades máis que en 2012.
“Estamos no camiño da recuperación, e para facela posible e superar a crise e as dificultades actuais teñen máis razón que nunca estes apoios da Xunta para mellorar e abaratar o solo empresarial dispoñible”- concluíu Balseiro.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
