Ribadeo, 31 de xaneiro de 2014. Este domingo empeza a programación cultural organizada polo Concello para os meses de febreiro e marzo, que inclúe teatro profesional e afeccionado, exposicións de artes plásticas, obradoiros para os máis pequenos e música.
A primeira representación teatral será este domingo 2 de febreiro ás 20:30 horas no auditorio municipal Hernán Naval, onde a compañía Talía Teatro ofrecerá a obra O método Grönholm, peza de Jordi Galcerán moi coñecida a nivel internacional e que está dirixida por Xulio Lago. En marzo, co gallo do Día Internacional da Muller, a compañía Abrapalabra Creacións Escénicas representará As do peixe, escrita por Cándido Pazó e dirixida por Cristina Domínguez. Ademais para os alumnos de Secundaria Os Quinquillás representarán a obra O capricho do teatro e para os nenos Pablísimo ofrecerá na biblioteca pública municipal Contos de sobremesa.
Tamén haberá obradoiros para os máis pequenos da casa. Así desenvolverase unha actividade moi coidada arredor do tren que unía Vilaodriz con Ribadeo e para a que é preciso apuntarse, xa que as prazas son limitadas. Estes obradoiros serán os días 22 e 29 de marzo (sábados) de 17 a 19 horas na Casa da Xuventude. As persoas interesadas en asistir deben dirixirse á Omix.
En canto ao teatro afeccionado a obra que ía representar o Grupo de Teatro de Ribadeo a beneficio da asociación contra o cancro aprázase ata novo aviso por indisposición dunha das actrices. Pero mantense para o 15 de marzo a representación da obra Os putativos en Rinlo. Posteriormente o grupo de teatro Baluarte, da localidade asturiana de Puerto de Vega, porá en escena en Ribadeo a obra Un espíritu burlón.
No apartado de artes plásticas a sala de exposicións da OMIC acollerá do 10 ao 28 de febreiro unha mostra de traballos dos Premios de Artesanía da Mariña que organizou a mancomunidade de municipios. Ademais levarase a cabo a iniciativa denominada A través da mirada por parte do alumnado de Plástica do IES de Ribadeo durante o mes de marzo co gallo do Entroido.
As actividades do ciclo Músicas Posíbeis empezarán o día 8 de febreiro, sábado, coa actuación de Andrea Motis e Joan Chamorro Quartet no auditorio municipal Hernán Naval ás 20:30 horas. Ademais, con motivo do Día de Rosalía, o día 23 de febreiro, domingo, no Teatro haberá un concerto do sexteto Tempo Catro, que interpretará cancións recollidas baixo o título Os ollos que falan, que lle poñen música a cantares galegos de Rosalía de Castro. E o 29 de marzo no auditorio Hernán Naval Fran Pérez Narf presentará o seu último traballo musical, titulado Nas tardes escuras.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
