O Burela FS Pescdos Rubén e Jorge Valhermoso Matamoros prolongan a súa relación contractual durante dúas tempadas máis. O killer laranxa lucirá a camiseta do club mariñán ata 2016. O presidente do CD Burela FS, Manuel Blanco Fanego, arroupou a Matamoros na formalización da súa renovación.
O máximo mandatario da familia laranxa incidiu na importancia desta renovación “xa que Matamoros é unha aposta segura e fundamental para o crecemento deportivo do club. É un profesional extraordinario, unha persoa íntegra, responsable e que sente a camiseta que defende. A súa incorporación ao Burela Pescados Rubén foi un dos mellores e maiores acertos da entidade. É un dos activos máis importantes do club e o seu excelente rendemento e compromiso permitiunos consolidarnos na máxima categoría do fútbol sala. É unha alegría para todos seguir gozando de Matamoros coa camiseta do Burela Pescados Rubén ata 2016”.
Pola súa banda, Matamoros tamén evidenciou a súa ledicia pola recente renovación: “É o que ambas as partes queriamos e foi doado chegar a un acordo. En Burela síntome moi cómodo tanto no persoal como no aspecto deportivo, unicamente levo un ano en Burela pero desde o principio sentinme integrado na filosofía do club. Estou totalmente identificado con este proxecto, é unha motivación axudar a que o club siga medrando con ambición e desde a humildade. A tempada anterior logramos a permanencia e na actual queremos consolidarnos na categoría alcanzando os Play Off polo título. A afección de Burela merece gozar da elite do fútbol sala e o noso obxectivo é devolver a súa paixón por este deporte con bos resultados e alegrías”.
O goleador madrileño incorporouse ás filas laranxas a finais de xaneiro de 2013, durante o mercado invernal, procedente do Inter Movistar. Cos seus goles e o seu excelente rendemento foi fundamental para que a escuadra burelá lograse manter a categoría durante a tempada 2012/2013.
Durante o presente exercicio, Matamoros confirmouse como un alicerce básico do Burela Pescados Rubén. Ademais da súa influencia e peso no xogo laranxa mantén o seu idílica relación co gol, é o segundo máximo goleador de Primeira División con 18 goles.
O seu rendemento goleador é un dato incuestionable aínda que Matamoros sempre antepon o colectivo ao seu interese persoal “un equipo é a suma de individualidades a disposición do conxunto, por riba de calquera interese persoal. Esa é a filosofía que debemos seguir e coa que traballamos cada día”. Respecto á excelente traxectoria coa camiseta do Burela Pescados Rubén indicou que “é unha consecuencia da confianza que depositaron na miña desde que cheguei. Estou nun gran momento da miña carreira, teño plena confianza no meu xogo e síntome cómodo na pista grazas ao apoio dos meus compañeiros e, loxicamente, pola confianza do adestrador”.
O 27 de decembro de 2013, o pichichi burelao deleitou a todos os afeccionados do fútbol sala mundial cun extraordinario gol ante o Magna Navarra. A súa vaselina de tacón percorreu o planeta futsal e xa forma parte da historia deste deporte como un dos mellores goles logrados nunha pista de fútbol sala. Respecto diso indicou que “foi un gran gol que sempre recordarei pero preferiría gañar o partido, sen ningunha dúbida”.
Aos 29 anos, o xogador mariñán atopou en Vista Alegre o escenario perfecto para desenvolver e demostrar todo o seu potencial futbolístico. A súa ambición, carácter gañador e humildade conquistaron Vista Alegre, que pode presumir de ter entre os seus a un auténtico crack. A súa relación con Juanlu Alonso, técnico burelao, “é especial, coñecémonos dende hai tempo e é un pracer traballar con el. É o mellor adestrador da Liga, posúe grandes coñecementos e é capaz de transmitilos con claridade. É un gran traballador, contáxianos a súa paixón por este deporte e estou convencido de que nos guiará ata os Play Off polo título. A nosa máxima ilusión é levar ao Burela FS Pescados Rubén nesa dirección e que a nosa afección goce e nos acompañe durante o camiño”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
