Inspirado libremente no texto “Le ultime lune” de F.B., “O país do Pato Donald” é unha reflexión profunda sobre a derradeira estación da vida dun profesor de literatura que vive os seus últimos días a cabalo entre a realidade e as lembranzas dunha vida anterior moito máis rica e idealizada. A compañía Lagarta Lagarta achega a Viveiro este espectáculo baseado esencialmente na fermosura do texto e nas interpretación dos actores Ernesto Chao e Rosa Álvarez, onde se aspira en todo momento en traspasar as emocións dos personaxes ao público dun xeito real e auténtico. Un espectáculo onde todos nos podemos identificar e no que todo sabe a “verdade”. Será o Teatro Pastor Díaz o que acolla esta representación teatral a partir das 20.30 horas cunha duración de 85 minutos e baixo a dirección de Xulio Lago.
Ernesto Chao e Rosa Álvarez en Viveiro co “país do Pato Donald”
Relacionado
-
Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
-
UGT FeSMC Lugo chama á plantilla de Alimerka a participar nunha mobilización este venres 9 de outubro, con dous turnos fóra da xornada laboral (10:30–12:00 e 17:30–19:00)
-
Persoa afectada por un raio en Xermade
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
