Lugo, 21 de febreiro de 2014. O delegado de Cultura e Turismo da Deputación de Lugo e portavoz do BNG, Mario Outeiro, informou, na rolda de prensa posterior á Xunta de Goberno da institución provincial, que vén de aprobarse declarar o 24 de febreiro Día de Rosalía, coa conseguinte organización de actividades que promovan o coñecemento da súa obra e do seu compromiso vital.
Rosalía de Castro é a escritora máis representativa da lingua e da literatura galegas. A publicación do seu libro Cantares Gallegos, o primeiro escrito integramente en galego, desde a vontade firme e inequívoca do seu significado, sinala o inicio da restauración do uso escrito da lingua galega e o final de séculos de silencio e esquecemento.
Durante a súa intervención, Mario Outeiro argumentou que “a recuperación literaria e lingüística da Galiza ten unha enorme débeda coa súa obra, que marca a ruptura da marxinalidade do galego e desafía a sociedade do seu tempo a través dun discurso comprometida coa súa terra, coas súas xentes e coa súa lingua”.
“A súa obra – continuou o delegado – é un retrato do pobo galego e goza dunha total actualidade. Desde o século XIX, Rosalía de Castro foi homenaxeada polas galegas e os galegos como poeta nacional, pois reclamou a redención da patria galega e asumiu a voz do seu pobo, unha voz que guiou permanentemente a súa obra e o seu pensamento. Esta galeguidade intrínseca dos seus textos, esta comunicación e entendemento permanente co seu pobo, ao se dirixir a el no seu idioma propio, foi o que a fixo tamén poeta de todos os pobos, chegando a formar parte da nómina de escritoras e escritores máis destacables da literatura universal de todos os tempos”.
Neste sentido, a área de Cultura da Deputación de Lugo organizará unha programación de actividades de cara a conmemorar o aniversario do nacemento da poetisa galega do século XIX, no seu afán de difundir o coñecemento da súa obra entre as galegas e os galegos, especialmente estre as xeracións máis novas para fomentar o amor á lingua galega e comprender a identidade cultural de Galiza.
Así, xunto coa Rede Museística Provincial, colabora coa Asociación de Escritores en Lingua Galega nun acto programado para o vindeiro luns, 24 de febreiro, ás 19:00 horas, no Refectorio do Museo de Lugo, co que se pretende homenaxear á poetisa galega por excelencia, cunha lectura da súa obra. No transcurso do acto, que contará co acompañamento musical de Paula Rancaño, agasallarase aos presentes cun libro en galego e unha flor.
“A diferenza do interese da Deputación en homenaxear a Rosalía, a Consellaría de Cultura non recolle, para o ano 2014, o 24 de febreiro como Día de Rosalía no seu Calendario do Libro e da Lectura, como viña sendo habitual, un feito que queremos denunciar e que só se pode enmarcar no intento de ocultar a figura dunha Rosalía viva, radical, culta e comprometida que hoxe grandes sectores da poboación coñecen e admiran” – concluíu Outeiro.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
