Lugo, 26 de febreiro de 2014.- O deputado do Grupo Popular e secretario do Parlamento de Galicia, Jose Manuel Balseiro, salientou este mércores os máis de 300.260 euros que os dezaseis concellos da Mariña lucense recibirán da Xunta para o sostemento dos seus servizos sociais.
Estas achegas económicas teñen por obxecto servir de financiamento directo entre outros a servizos tan básicos e esencias como os de axuda no fogar para persoas en situación de dependencia ou os gastos correntes nos que incorren as entidades locais para a realización dos seus diversos programas de Benestar.
O deputado popular quixo poñer en valor os esforzos que o Goberno galego está a realizar nunha situación de crise e restricións orzamentarias para promover unha efectiva cooperación e apoio aos concellos, e asegurar, cos recursos económicos necesarios a calidade e cobertura dos servizos sociais municipais.
Dáse a circunstancia ademais que as diversas reformas normativas promovidas polo Goberno do Partido Popular neste ámbito permiten axilizar o financiamento dos servizos sociais comunitarios dos concellos establecendo dúas vías diferenciadas: por unha banda, as axudas para a prestación de servizos sociais comunitarios básicos, que será unha transferencia anual; e por outra banda, a axuda no fogar para persoas dependentes, que se liquidará trimestralmente
AXUDA NO FOGAR
No que se refire ao servizo de axuda no fogar para persoas dependentes, este servizo financiábase ata o momento a través da orde anual de subvencións. A partir de agora as transferencias serán de carácter trimestral, o que sen dúbida aliviará a situación financeira dos concellos e contribuirá a mellorar a calidade na prestación deste servizo.
A contía calculouse en función do número de persoas atendidas e das horas mensuais de atención realmente prestadas. A posta en marcha dunha nova aplicación informática –á que xa poden acceder actualmente os concellos- permitirá coñecer de forma automática o número de persoas atendidas e o número de horas de prestación que reciben.
Ademais, esta normativa permite a concesión de anticipos nos catro primeiros meses do ano dunha parte das axudas correspondentes a cada entidade local no eido dos servizos sociais comunitarios básicos contribuíndo deste xeito a que as dificultades financeiras que puideran ter os concellos non repercutan nunca nun empeoramento do servizo.
As transferencias recibidas polos concellos da Mariña son:
| Concello de Alfoz |
15.013,00 € |
| Concello de Barreiros |
15.013,00 € |
| Concello de Burela |
30.026,00 € |
| Concello de Cervo |
30.026,00 € |
| Concello da Fonsagrada |
15.013,00 € |
| Concello de Foz |
15.013,00 € |
| Concello de Lourenzá |
15.013,00 € |
| Concello de Mondoñedo |
22.519,50 € |
| Concello de Ourol |
15.013,00 € |
| Concello da Pontenova |
15.013,00 € |
| Concello de Ribadeo |
30.026,00 € |
| Concello de Trabada |
15.013,00 € |
| Concello do Valadouro |
15.013,00 € |
| Concello do Vicedo |
15.013,00 € |
| Concello de Viveiro |
22.519,50 € |
| Concello de Xove |
15.013,00 € |
|
300.260,00 € |
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
