ADEGA ven de presentar a programación de Charcas para 2014 da man da Consellería de Medio Ambiente Territorio e Infraestruturas da Xunta de Galiza. Verónica Tellado, Directora Xeral de Conservación da Natureza, xunto con Virginia Rodríguez, Presidenta de ADEGA e Lucía Parente Coordinadora de Charcas con Vida deron a coñecer as novas actividades programadas para este ano centradas na posta en valor e conservación das Charcas en Galiza.
A iniciativa Charcas con Vida comezou no 2013 coa colaboración da Fundación Biodiversidad do Ministerio de Agricultura Alimentación e Medio Ambiente. Coa intención de dar continuidade ás actuacións de voluntariado e seguimento dos pequenos humidais galegos en 2014 o proxecto presenta a nova programación, desta vez contando coa colaboración da Consellería de Medio Ambiente Territorio e Infraestruturas. As charcas son pequenas masas de auga, permanentes ou temporais, de gran valor ambiental e de elevada fraxilidade. Estes ecosistemas albergan interesantes poboacións de algas, plantas, anfibios, e invertebrados que precisan deste medio para vivir ou completar o seu ciclo vital. Moitas destes organismos están ameazados ou teñen requirimentos de hábitats moi específicos.
As charcas son tamén corredores biolóxicos que incrementan a conectividade entre hábitats. Moitas destas zonas húmidas constitúen importantes elementos patrimoniais e son espazos cun gran potencial para a educación ambiental e a investigación. Porén, a pesar da súa importancia, estes ecosistemas e os seus beneficios son a maioría das veces descoñecidos pola cidadanía, o que remata nunha ameaza constante e na súa desaparición. Coa intención de difundir os valores das charcas e de contribuír á súa conservación nace o proxecto Charcas con vida.
Divulgación da importancia e dos valores das charcas:
Nesta liña celebraranse dous cursos divulgativos co persoal do Servizo de Conservación da Natureza para coñecemento destes ecosistemas. Realizaranse charlas en asociacións, centros de ensino, ou noutros lugares que así o soliciten. Como parte desta liña editouse un manual divulgativo para as inspeccións de charcas no que colaborou a Dirección Xeral de Conservación da Natureza e que se ofrece aos voluntarios do proxecto. Tamén se deseñarán unhas fichas de identificación da fauna e flora típicas de charcas
Creación dunha rede cidadá para o inventariado e estudo de charcas:
O equipo de Charcas con Vida seguirá realizando saídas formativas para inspección de charcas coas entidades que así o soliciten. Estas saídas están abertas a centros de ensino, asociacións, entidades de calquera tipo ou grupos de amigos interesados. Así mesmo sigue dispoñible o inventario de charcas de Galiza onde calquera persoa pode sumar charcas grazas a ferramenta online dispoñible na web do proxecto (charcasconvida.org).
Actuacións de construción e recuperación de charcas mediante acordos de custodia do territorio e voluntariado ambiental:
Hai programadas 4 xornadas de voluntariado ambiental que se celebrarán ao longo de 2014, no Parque Natural do Invernadoiro, no Parque Natural do Xurés, na Reserva da Biosfera de Allariz e no Parque Nacional das Illas Atlánticas de Galiza. Para apoiar actuacións en charcas ADEGA ten editado tamén un Manual de construción e recuperación, que explica de xeito sinxelo os pasos a seguir para realizar este tipo de actuacións, amosando exemplos prácticos de actuacións realizadas en 2013, e que se distribúe de maneira gratuíta a quen o solicite.Calquera persoa que estea interesada en participar nalgunha das actividades descritas só ten que enviar un correo ou chamar por teléfono ao equipo de Charcas con Vida.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
