Barreiros, 1 de marzo de 2014. O grupo municipal do BNG en Barreiros solicitará do goberno
municipal que se lle facilite unha copia do informe emitido pola Consellería de Medio Ambiente a
respecto do borrador inicial do PXOM presentado polo goberno municipal.
Segundo a información aparecida nos medios, a propia Cnsellaría pon en dúbida o modelo de
desenvolvemento urbanístico co que se pretende continuar en Barreiros, por non ser lóxico nen estar
adaptado á realidade municipal.
Segundo os nacionalistas, “o informe da Xunta vén a confirmar que o modelo proxectado polo
Partido Popular en Barreiros segue a ser o do boom urbanístico con recualificacións de terreos que
non atenden ás necesidades da poboación, mentras se deixa a zona interior sen solo onde poder
construir vivendas unifamiliares; ademais de pretender legalizar o desastre urbanístico que se
permitiu hai case dez anos.”
A formación frontista non se amosa sorprendida, “tendo en conta que a persoa que asinou o contrato
para a elaboración do documento inicial foi no seu momento representante público do Partido
Popular e apostou pola política urbanística de Alfonso Fuente en Barreiros tomando parte dunha
concentración de apoio ao rexidor e ao seu modelo. O traballo feito polas empresas representadas
por este señor está feito para salvar a cara de Alfonso Fuente e do PP e xa no seu momento tivo que
ser corrixido debido ás présas coas que se acabou redactando a pesares de facer máis de tres anos
que se asinou o contrato por máis de 200.000€ e ter sido presentado fóra do prazo pactado.”
Os nacionalistas consideran que o xeito de tramitar o Plan Xeral de Barreiros é boa mostra do xeito
de traballar deste Alcalde, sen ningún tipo de rigor e a impulsos para salvar as situacións. Neste
sentido tamén sinalan que “o Alcalde se comprometeu no último pleno a presentar os orzamentos do
ano 2014 no mes de febreiro sen que exista noticia ningunha dos mesmos. Outra mostra máis da
falta de seriedade e da facilidade para mentir no propio pleno municipal do rexedor barreirense”,
conclúen os nacionalistas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
